Javascript seems to be turned off, or there was a communication error. Turn on Javascript for more display options.
— 461 —
451. Conventio inter Carolum Imp., Bolconem
ducem et Joannem marchionem.
1359, 14. Februarii.
Wir Karl von Gots gnaden Romischer keisir, ze allen
zeiten merer des Reichs vnd kunig ze Beheim, vnd wir Bolke
herezog von Slesien, herre zu der Swidniez vnd zum Jawor,
vnd wir Johans marcgraf zu Merhern, von den selben Gots
gnaden: bekennen vnd tun kunt offenlich mit disem briue
allen den, di in sehen odir horen lesen, das zwischin vns allen
drien mit rate unsir freunde vnd vnsir getrewen dienern vnd
mannen also geteidinget vnd gelobt ist, das vnsir, des ege-
nanten marcgrauen zu Merhern sune, eynir auz den, di wir
iezunt haben, welchin wir dar geben, odir der eynir, di wir
noch gewynnen, ob di egenanten stuerben, wenn vnsir herre,
der keisir, vns darump manet, seyne tochtir, di er iczunt
mit der durchleuchten fuerstinn, vnsir frawen, der keiserin,
frawen Annen, des egenanten herczogen von der Swidniez
brudir tochtir hat, odir di er noch mit ir gewynnet, ob dise
stuerbe, zu rechtir elichir konschaft nemen sol, on alles hindir-
nuzze ze hant, noch der zeit als sie beidenseiten sulchir iar
werden, das sie zu der heiligen ee greiffen muegen. Und das
selbe sullen vnd wellen wir, obgenanten fuersten vnd herren,
alle drie odir wer vndir vns lebt, ob di andern stuerben,
fuerdern, enden vnd vollenfueren, getrewlich, on geuerd, vnd
mit ganczem ernstlichem fleizze, ncch allem vnserm vermuegen.
Vnd wer das sache, das wir, der egenante Romischir
keisir vnd kunig ze Beheim, also stuerben, das wir eliche
leibes erben odir erbes erben mannis geslechte hindir vns
nicht liezzen: so sullen di crone, das kunigreich vnd di lant
zu Beheim mit allen fuerstentumen, herscheften vnd zuge-
horungen vff den hochgeborn Johansen, marcgrauen zu Merhern,
den egenanten vnsirn lieben brudir, vallen vnd erben; vnd
ob sin nicht were, so sullen sie nuer alleyne vif den seynen
svn erben, der vnsir tochtir haben wirdet, vnd vff des selben
sunes erben vnd erbes erben mannis geslechte vnd di von ir
bekomen. Vnd di maregrafschaft ze Merhern mit iren ezuge-
