1101

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

— 423 —

sub eodem juramento, deliberate promittimus perpetuam di- lectionem et fraternam amicitiam cunctis inantea futuris tem- poribus inviolabiliter observare, sicut ipse versa vice nobis sub juramento alias facto ad observationem earundem dilecti- onis et amicitiae teneatur, prout in antiquis litteris nostrae concordiae inter nos et eum aliquoties celebratae plenius continetur.

Promisit etiam dictus d. Imperator sub juramento alias praestito, bona fide et sine dolo, nobis adversus quemlibet hominem et nominatim contra Cruciferos de Domo Theutonica, sen etiam contra Bavaros et quoscunque alios in marchionatu Brandemburgensi manentes, in propria persona, si commode fieri poterit, vel in persona illustris principis, d. Johannis marchionis Moraviae, fratris sui secundogeniti clarae memoriae illustris d. Johannis, quondam regis Boemiae, genitoris sui, cum sexingentis hominibus galeatis assistere -et amicabiliter suffragari; illo praesertim tempore, cum blada et segetes sunt in campis. Et si quispiam inimicorum ante tempus messium quoeunque tempore terras nostras invaderet, sub praemisso juramento absque dolo promisit contra insultum eorundem inimicorum nostrorum toto suo posse nos adjuvare.

Et si prima via cum hominibus eisdem nos adversus inimicos nostros limites regni nostri non recuperaremus, tune secundario ad requisitionem nostram quadringentos galeatos nobis destinare promisit et tenebitur sub suis damnis, sump- tibus et expensis, ita tamen, quod nos suo exercitui praedicto, quamdiu in regno nostro moram traxerit, de esculentis et poculentis tenebiinur et promittimus providere.

Et si (quod non speramus) prima et secunda via non recuperaremus limites ejusdem regni nostri, tunc tertia et quarta vice et quoties necesse fuerit, nobis sub juramento et fide praemissis juxta suum posse sine dolo suffragari promisit et tenetur, tam diu quousque, ut praedicitur, recuperemus limites iegni nostri.

Quibus recuperatis praefato d. Imperatori et regi B. assistere et astare tenebimur adversus omnem hominem, excepto rege Hungariae, prout in antiquis nostris literis est expressum.