Javascript seems to be turned off, or there was a communication error. Turn on Javascript for more display options.
— 415 —
dominus noster gratiosus, privilegium, consuetudinem et in-
dultum hujusmodi Imperiali auctoritate et de plenitudine Impe-
ratoriae potestatis innovans et confirmans duxerit statuendum,
ut si quispiam praedictorum, puta princeps, baro, nobilis, miles,
cliens, civis, burgensis seu rusticus, aut alia quaecunque per-
sona praemissa ad cujuscunque tribunal extra regnum prae-
dictum Boemiae in quaeunque causa criminali, civili vel mixta
seu Super quocunque negotio citatus fuerit quocunque tem-
pore vel citata, comparere vel in judicio respondere minime
teneatur; sique adversus hujusmodi non comparentes vel non
comparentem a quocunque judicio extraneo extra regnum ipsum
Boemiae constituto judicialiter procedi, processus fieri vel sen-
tentias interlocutorias vel diffinitivas, unam vel plures, in qui-
buscunque praenomitatis causis sive negotiis quovis modo fieri
vel promulgari contingeret, eadem auctoritate et potestate cita-
tiones, praecepta, processus et sententias hujusmodi nec non
executiones ef omnia, quae ex eis vel aliquo eorum quovis-
modo secuta . . ., irritaverit. penitus et cassarit —
Adjiciendo expresse et auctoritate simili decernendo, ut
quemadmodum in praedicto regno Boemiae a tempore, cujus
contrarii non habetur memoria, jugiter observatum existit, ita
nulli prorsus principi, baroni, nobili, militi, clienti, civi, bur-
gensi seu rustico, nulli demum personae seu incolae regni
Boemiae saepe dicti, cujuscunque status, praeeminentiae, dieni-
tatis vel conditionis existant vel existat, a quibuscunque pro-
cessibus, sententiis interlocutoriis vel diffinitivis, sive praeceptis
regis Boemiae aut judicum curiae suae, nec non executionibus
eorundem contra se in regali judicio seu coram regis, regni
et curiae praedictorum judieibus factis aut latis, habitis vel
ferendis inantea seu fiendis, ad quodcunque aliud judicium
liceat, appellare, provocationesque seu appellationes hujusmodi,
si quas inter hoc interponi contigerit, eo ipso viribus non
subsistere et appellantes ipsos poenam perditionis causarum
ipso facto statuentes incurrisse —
Necnon auctoritate Imperiali et de certa sua scientia
declaraverit, quod ipse et omnes successores sui, Boemiae
reges, universas auri et argenti fodinas atque mineras stanni,
