Javascript seems to be turned off, or there was a communication error. Turn on Javascript for more display options.
— 398 —
principum, baronum et nobilium regni B. praedicti prae-
sentia, tactis corporaliter sacrosanetis scripturis evangelicis,
antequam de manibus vener. Pragens. archiepiscopi seu alte-
rius episcoporum regni B. praefati, nostrorum principum, coro-
nati fuerint seu sacram regiam susceperint unctionem, et
praedietis poenis, inflietis seu non inflictis (sic!); praedicta
nihilominus in suo robore perseverent.
Praeterea omnibus et singulis in praedictis terris, castris,
civitatibus, munitionibus et pertinentiis residentibus sen perti-
nentibus ad easdem, hac edictali lege Caesarea districtius inhi-
bemus, ne quis, cujuscunque conditionis existat, occasione
debitorum seu qualiscunque alterius causae in bonis alterius
auctoritate, imo verius temeritate propria pignora praesumat
accipere, nisi hoc coram nostris judicibus provincialibus per
definitivam sententiam obtinuisse noscatur; cujus tamen sen-
tentiae vigore ad receptionem pignorum nolumus aliqua ratione
procedi, nisi in praesentia judicialis nuntii, quem nostri judices,
quorum interfuerit, ad executionem talium duxerint destinandum.
Habitatores etiam nostri dominii praedicti ot pertinen-
tiarum ipsius, vel qui castra, munitiones, curias, domus aut
possessiones ibidem habuerint,non audeant praesumptione teme-
raria adversus terras et dominia nostra ac pertinentias regni
nostri B. aliqua, quae in damnum seu dispendium regni ejusdem,
regnicolarum et terrarum vergere possent, quomodolibet attem-
ptare; nulli etiam talium habitantium seu possidentium bona, res
et praedia in terris nostris praedictis, etiamsi talia hereditatis,
proprietatis seu quovis alio titulo possiderent, aliqua ratione
liceat de bonis et rebus talibus, sitis in limitibus nostri praedicti
dominii, se alicui alteri domino, cujus etiam praeeminentiae
seu nobilitatis existat, vassellagio, homagio aut alio quovis
titulo subjicere, sub poena perditionis omnium bonorum suorum,.
quae tune temporis in nostris terris et dominiis obtineret.
Ut etiam terrae, civitates, munitiones, castra et loca prae-
dicta eo uberiori prosperitate gaudeant, quo virtuosa justitia
fuerint deliberatione virtuosi principis attentius custodita, decer-
nimus et hoc edicto Caesareo duximus perpetuo statuendum, quod
nullus princeps elector seu alter princeps, dux, comes, baro,
