Javascript seems to be turned off, or there was a communication error. Turn on Javascript for more display options.
— 373 —
nemen, in aller der mazze, als wir sie nun haben und hernach
mit rechte czu uns brengen mochten, in sulcher bescheidenheit:
Sei daz sache, das wir von Gots vorhenknusze alzo vor-
scheiden, daz wir eliche leibeserbin mannsgeshlechte hindir
uns nicht lazzen, daz denne die obg. unsir gnedige frowe und
libe mume und ires libes erbin, die sie mit unserm hern, dem
konge, haben wirt, als dovor geschrebin stet, dieselben unsir
herezogtum. furstentum, herschefte, lant, lute und alle andire
zugehorungen, als dovor begriffen ist, erben und besiczen soll
genczlich, ungehindirt, und dormite tun unde lazzen nach
freyir willekur, als mit irem rechten erbe; unschedlich doch
der hochgebornen furstinne, frowe Agnesen, unsir eelichen
wirtinne, in irem leibgedinge, wanne sie alle die obgenant
furstentume, lant und herschefte mit allen nuczen haben und
besiezen sol nur ezu iren lebetag. -
Wer abir, daz wir mit genadin Gots eliche leibiserbin
mannesgeslechts gewunnen, so sullen dieselbin unsir erbin der
obgenanten unsir vrowen und mumen oder ires libes erben,
ob sie nicht were, czehentusent sehok grosser pfennige Pra-
gister muncze mit gereitem gelde berichten und beczalen, odir
die vesten Lemberg und Bunczlaw mit weichpilden, vesten,
rechten, nuczen und czugehorungen zu rechtem pfande setzen,
alslange uncz daz sie die obgenanten czehintusent schok
genczlich berichten und beczalen, und domitte sullen denne
die selbin unsir erbin bei den obgenanten unsirn herscheften,
furstentumen und landen ungehindirt bleiben.
Wer auch, daz wir eliche leibiserben mannesgeslechie
nicht hetten und doch tochtir liezzen, so sullen die obgenante
unsir libe genedige vrowe odir ires libes erbin, die sie mit
unserm herren, dem kunge, gewinnet, iglicher unsir tochter
ezehentusent schok grossir pfennige geben und sie bestaten
nach rechtir gewonheit als geborner fursten kindir.
Ouch habin wir globt und geteidingt: Sei daz sache, daz
die obg. unsir eliche wirtinne unsirn tot gelebit, daz sie denne
nach der czeit unsirs todes keine burggraven, pfleger odir
amptman uf vesten, husern, in steten odir in landen vor-
keren, enderen odir wechsiln sol, es sei danne, daz sie eynen
