Javascript seems to be turned off, or there was a communication error. Turn on Javascript for more display options.
— 811 —
oszunemben, das sie die vorgenanten marke zu Lusitz mit dem
lannt, stetten, merkten, herren, mannen, rittern und knechten
unnd mit aller zugehorung, als vorgeschriben steet, gar und
gentzlich erkriegen und in treu, gehorsam bringen, unnd darumb
sagt er mit krafft seiner brieue ledig und los alle herren, ritter,
knechte, stete, burger, schultheisen, bawern und allermeniglich,
die in der vorgenanten marck und lannt zu Lusitz wonhafftig
sein oder darin gehoren, aller huldunge, trewen unnd eydes,
der sie im unnd seliger gedechtnus seinen vorfarn, marggrauen
zu Branndenburg, verbunden gewesen seint; unnd welche
unnter in das von inn selber hóren wollen, den gelobt
er mit gueten trewen, on geuerde, das er in das selber
sagen wolle mit seines selbs munde unnd in sein offen
brief daruber geben, ob sie des muten, unnd hat geboten
in allen gemeinlichen unnd itlichen besundern, mit krafit
seiner brieue, gleicher weys als ob er selber in das gebote
mit seines selbs munde, das sie dem vorgenantem unserm
gnedigen herren, dem Romischen kunig unnd kunig zu
Behem, seinen erben unnd nachkomen, kunigen zu Behem,
hulden, sweren und geloben sollen getrew, gehorsam unnd
unterthenig zu sein als iren rechten erbherren, unnd hat
sich verzigen, für sich, seine erben unnd nachkomen, marg-
grauen zu Brandenburg, mit bedachtem mute mit guetem
willen unnd mit vollen rate alles rechtes, ansprache unnd
anredunge, die sie zu der vorgenanten marck unnd lannt zu
Lusitz, herren, steten, vesten, mannen, burgern, leuten, armenn
unnd reichen, unnd aller zugehórunge, als vor geschriben ist,
haben, gehabt haben oder gehaben mochten, unnd beinamen
ob er zu den steten Budissin und Gorlitz unnd ir zugehorunge
dhein rechte oder ansprache gehabt hette, der begibt und ver-
zeihet her sich, mit krafft seiner brieue.
Unnd vber das bitet er den allerdurchleuchtigisten fursten
unnd unnsern gnedigen herren, herrn Karl Romischen kunig
unnd kunig zu Behem, de vorgenanten, das er die egenante
seine gabe der marcke und des lanndes zu Lusitz, di er dem
kunigreich unnd der cronen zu Behem recht und redlich
gethan hat, als vor geschriben steet, geruche zu confirmiren
