103

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

or

Urkunden zum Jahre 1425. 263

dorumb mit wolbedochtem mute, gutem rate und rechter wissin haben wir dem vorgenanten Albrechtin und seinen erbin die vor- genanten zwelifftausent und zwenzig Ungerischer guter roter goldin auf allen anfellen und zufellen, die uns in unserin landin zur Sweydenicz und Jawer und auch in den Sechs Steten und landen zu Budissin, Garlicz, Zittaw, Lobaw, Luban und Camencz, do her unser hauptman und vogt ist, ledig werden, in welicher mazse die an uns komen und gevallen werdin, mit allen nuczen und rechtin gnediclich vorweyset und vorschrebin, vorweysin und vorschreibin im die von kunniglicher macht zu Behem in erafft disz briffs, also daz der vorgenante Albricht und sine erben und Hannos sein vettir alle anfelle und zufelle, die uns in der vorgenanten hauptmanschaft und vogtey von lehn adir von wandel anfallen und zusten wurden, furbasz an unsir stat eyn- nemen vnd aufheben und die redelich noch iren wirden vor- kauffen solle und moge, und daz er domit getrulich an uns fare, daz wir doran nicht vorkurzet werdin mit keinerlei vorsweygunge der anfelle adir zufelle. Und was er gelts davon in vorgeschrie- bener masze haben und einnemen wurde, daz sal er uns, unsern erbin und nochkomen kunigen zu Behem an de summa der vor- genannten zwelifftausent und zwenzig guter roter Ungerischer goldein abzyehen und lassin abgeen. Oder ap ym daz selbe gelt von den ersamen Dauid Rozeinfeld und Johann Balbrecht unsern lieben getrawen bezalt wurde, als er ir schultbriffe auch von in dorumb hat von unsern wegin, doran sal er aufhoren. Und wenn der vorgenannte Albricht und seyne erbin also der vor- genant zweliff tausent und zwenzig roter guldein von den egenanten zufellen adir anfellen adir von den egnanten kauf- luten bezalt werdin, so sollen sy uns dy vorgenanten aaefelle und zufelle und dy vorgenanten kauflute ledig lossin. Und waz: sy von sollichen anfellen adir zufellen und ouch von den kauf- laten einnemen werden, dorumb sollen sy uns alleweg quitten und die quittanczen gebin, so offte daz not geschit, alles geverde genzelich uszgescheydin. Mit urkund disz briffes vorsegilt mit unser majestat ingesegil. Gegebin zu Skalicz nach Crists geburth virzin hundert jor und dornoch in dem fumffundzwengisten jare am sampstag nach sinte Andrestag unsir reich des Ungerischen etc. in dem neununddreissgisten, des Romischen im sechzende und des Behemischen im sechsten jaren.