Javascript seems to be turned off, or there was a communication error. Turn on Javascript for more display options.
Vnd darauf so sol yeder hauptman den fursten, herren vnd ste-
ten, die im auf den schierstkunfftigen summer vnd winter ir volk zu
schicken werden, in dem schierstkunfftigen jare widervmb schreiben,
vnd ir yeden vnd yeder ain nemlich stat vnd vor dem gemelten sand
Jórgen tage ain zeyte vnd stat benennen, auf vnd in den sy ir volk
also zw im sennden sóllen, in obgemelten massen geschick mit im
(sic) sandt Jorigen tage zu Beheim an dem ende zu sein vnd den
krieg furen des volks halben vnuerhindert nachzukomen, wie man
sich dann sóllichs verainigen wurdet,
Vnd zu bevestigung des obgemelten kriegs so sóllten die hauptlute
auf das hailig ewangeli sweren, das sy wider den Gorsicken vnd
seinen anhanngk getrulich vechten, ir nit nicht schonen, den cristen-
glauben an dem ende nach irem vermugen schirmen, die keczerey
ausrewten vnd von sollichem cristenlichen züg vnd furnemen in zeyte,
der man sich, als vor stet, verainigen wurdet, nicht abstellen; auch
die lute, so inen von den curfursten, fursten vnd andern beuolhen
mit zugegeben werden, beschuczen, beschirmen vnd ine die lassen
beuolhen sein, auch sunst zu tun vnd zw handeln, das innen nach
laut der abrede, so auf dem tage alhie beschlossen wurdet, gepurt
alles trulich vnd ongeuerlich.
Aber die lute, so den hauptluten beuolhen wurden, sollen auch aut
das hailig ewangeli sweren, das sy vmb cristenglaubens willen wider
die keczer, die nach irem vermugen, auszwreuten, vechten, die cristen-
menschen beschirmen, iren hauptluten gehorsam vnd gewartig sein,
die haimligkait, so sy vernemen, den keczern vnd veinden nicht offen-
baren, noch on sunder erlaubnuss irs hauptmans vor der zeyte, der
man sich verainigt, von demselben hauptman nicht ziehen, nach in
verlassen, auch kain mercklich schlagen nach sach gegen den veind-
ten ane der hauptlute willen nicht ansahen wollen alles getrulich vnd
ongeuerlich.
Itera, das ain ordnung gemacht wurde dardurch ain yeder furst,
grave, her, ritter, knecht vnd stat den iren vorgemelt speys vnd an-
der kauffmanschafft vnd gewerb aus tutschen lannden in die cristen-
lichen here zü furen vnd das die stras also beseczt vnd verhüet
wurdt, damit man aus vnd inn die here sicher vnd fridlich wanndeln
vnd chomen móchte ongeuórde.
Item so des hailigen reichs curfursten, fursten vnd die von steten,
als sy her geuordert sind vnd dise kristenlich sach notturfftig wäre,
chomen oder doch ir botschafften all mit ganczer vnderrichtung vnd
volmáchtigem gewalt geschickt wáren, der bápstlich legat vnd kay-
serlich anwalt wilig vnd berait gewest sollich sachen yecz auff disem
tage zw beschliessen, so sich aber die sachen anders dann obge-
38
