1005

This is where the footnotes go.

View options

Show: Formatting <lb> Images - Tags: Lemma

Javascript seems to be turned off, or there was a communication error. Turn on Javascript for more display options.

lichen obrichait des ersten fur sich selbst gewilligt vnd zugesagt: mit ainem mercklichen geraisigen zeug vnd volk aus seinem erblichen lannden wider die ketzer zu chriegen vnd dartzu vnns mitsampt dem hochwirdigen in Got vater vnd herrn, herrn Laurentien, bischouen zu Ferrara, bapstlichen legaten, vnd dem erwirdigen herrn Gorigen, brobst zu Bressburgk, des durchluchtigsten fursten und herrn, herrn Mathias, Kunig zu Hungern etc., vnsers gnedigisten herrn volmachtig bottschafft in das hailig reich gesanndt vnd bevolhen, getrewen vnd emsigen fleis zu tun, damit ir uch auch des reichs curfursten, fursten vnd vndertan als cristenlich menschen erhebet, getrew hillff vnd beystand zu furdrung des obgemellten löblichen cristenlichen wercks wider die vngehorsamen ketzerey tut; vnd nach dem yetz auff den vergangen sontag ,Invocavit^ ain tage hie, zu Regenspurg gehall- ten worden ist, daruf dann ettlich fursten in aigner person, auch ettlichen curfursten, fursten vnd stette, rate vnd battschafften erschi- nen sind, denselben ein furhallten ettlicher ¢apitel vnd auch aines andern tagshalben bescheen ist, so ir in diser ingeschlossen abschrifft klarlich vernemen werdent. Darumb an stat vnd von wegen vnsers allergnedigisten hern, des Rómischen kaysers begern wir an uch ernstlich, das ir auff dem selben tage nach innhalt des ingeschlossen zedels erscheinent, vnd uch nichts daran verhindern lassent, auff das mit ewrem rate auch ander hillf vnd beystand, die sach geendet vnd volfürt werde; vnd sein on zweivel, ir werdent zu hertzen nemen, das sollich sach Gottes des almechtigen, dartzu dann ain yeder cristenmensch schuldig ist, hillff vnd beystand zu tun, vnd also nicht allain die cristenhait zu beschutzen, sunder auch euch selbst vnd die ewern. Dann wa die cristenlichen menschen, die dy widerwartigen zu Beheim bechriegen, verlassen und dieselben widerwartigen den sig, den sy yetze vast verloren haben widerumb da Got vor sey gewunnen vnd uberhannd nemen wurden, das sóllichs nicht allain Got vnd dem cristenglauben zu verachtunge, sunder auch vnserm hailigen vater, dem bapst vnd vnserm allergnedigisten herrn, dem Rómischen kayser zu vngehorsam, den cristenmenschen zu Beheim, Marhern, Slesien vnd Lausitz zu verdruckung, auch euch selbst, fursten, herrn vnd andern stetten bevorab vmb das kunigreiche zu Beheim in der nahe wonend vnd gelegen zu mercklichem grossen schaden dienen vnd chomen móchte, vnd werdet sollichs alles zu verhuten nachvolgen, den fusstapffen vnd guten cristenlichen wercken, ewr vorfarn, vnd als diser ingeschlosser zedel innen hallt, auff dem tage erscheinen vnd nicht verziehen haben, auff das die sach zu loblichem vnd begerlichem ende gepracht, vnd ewrtails kain sawmnuss noch vngehorsam darinn vermerckt werde. Davon empfachet ir lon

33