Francouzská Hussitica

This is where the footnotes go.

View options

Show: Formatting <lb> Images - Tags: Lemma

Javascript seems to be turned off, or there was a communication error. Turn on Javascript for more display options.

008

50b

tenemens gue Dieux lui a envoyés et en servient plus liberal a le servir de corpz et en chevance.

Item, hastivement doit mon dit seigneur envoyer du moins ung chevalier et ung clerc, gens notables et expers, devers notre Saint- Pěre en court de Romme, et illec exposer de par notre dit seigneur, comment mon dit seigneur a oy trés reverend pere en Dieu, mon- seigneur le cardinal d'Engleterre, qui venoit des parties d'Allemaigne, où de par notre dit Saint Père il estoit commis légat pour pour- veoir et résister à la fausse et détestable entreprinse et hérésie que soustiennent et croient les gens du royaulme de Behaigne, que l'on appelle Houxses, les grandes inhumanités et déshonneur que ils font à nostre foy chrétienne. Pour quoy ce considéré il pria a mondit seigneur de Bourgoingne que il se volsist disposer et mettre sus en armes à l'encontre des dessusdits hérittes. Et combien qu' il ait de grans affaires, nul n' en doit aller devant la besongne de la foy, et aussi c' est le prince que ceulx des parties d'Allemaigne désirent le plus qu' il volsist aller par delà en armes. /

Item dist mon dit seigneur le cardinal, que il avoit espérance ferme de mener en ceste entreprise et à compaignie de monseigneur de Bourgongne de IIII à VIM archiers, tous du royaulme d' En- gleterre.

Item et pendant le temps, que mon dit seigneur le cardinal estoit devers mon dit seigneur le duc, arriva devers lui monseigneur le prieur de Pont-Saint-Esprit, légat et messager de notre dit Saint Pére envoyé à mon dit seigneur. Lequel, entre aultre choses, parla à mon dit seigneur en ce se vouloit employer pour le bien et relièvement de notre foy chrétienne, et vouldroit bien que Dieux lui donnast la gráce et l'honneur de en venir à une bonne fin devant tous aultres princes, ce que mon dit seigneur a fort retenu en son corrage.

Item et depuis ce que mon dit seigneur le duc eut oy lesdis cardinal et prieur, avec les complaintes que pluseurs grans princes, prélas, cités et bonnes villes des parties d'Allemaigne ont fait et font savoir journelment, mon dit seigneur, meu de foy et de vraye amour à son benoit createur et à son Eglise chrétienne, est tant ardamment désirans et affecté que plus ne puet de combattre et mettre tout ce que Dieux lui a presté pour résister à l'encontre des dessus dis herittes en délaissant tous ses aultres affaires. /

Item, aprés ces choses remonstrées à notre dit Saint Pére par lesdis ambassadeurs, sera requis de par mondit seigneur de ceste sainte et notable entreprinse devant tous aultres princes au cas toutes voyes que l'empereur ne le fist, en donnant mandement par

90