Facsimile Lines

946

Page

[1]	1508. 185
[2]	ut, quasi timeret, ne Tridentum vicinaque oppida in oculis eius capiantur, in
[3]	media Germaniae viscera non sine tantae maiestatis ignominia retrocesserit.
[4]	Neque enim est eius ad exiguum fortunae ictum animo concidere atque frangi,
[5]	qui ab adolescentia in militia versatus est, neque rursus providi ducis fuit,
[6]	cum vix bello gallico sufficeret, subire simul et Venetum, atque eum populum
[7]	lacessere, quo nullus hoc tempore aut opibus aut imperio magis floret. Stre-
[8]	pente olim Italia Punicis armis cum Philippus Macedo multis indiciis osten-
[9]	disset se in Carthaginienses propensum et a Romanis alienatum esse, semper
[10]	dissimulata iniuria est, et vindicta ad id tempus reservata, quo sine periculo
[11]	adversus Macedonas arma sumi possent: nos autem, qui omnia terrore atque
[12]	minis complere solemus, hostes, quos omni studio atque diligentia disiungere
[13]	et ab invicem distrahere oportebat, quae nostra sapientia est, de industria, ut
[14]	ita dixerim, coniunximus ob nullam aliam, ut ego arbitror, causam, nisi quia
[15]	rebus omnibus desperatis honestius arbitramur *) ab utroque hoste simul iuncto
[16]	quam ab altero eorum vinci. Scilicet victrices illae aquilae, et sub quarum alis
[17]	terrarum orbis trepidabat, eo iam deciderunt, ut pene graeculis ludibrio sint,
[18]	nomenque illud gentibus trans Gangem sitis olim venerabile etiam a domesticis
[19]	despiciatur. Nihil profecto in rebus humanis stabile est, et quae firmissima
[20]	validissimaque creduntur, subito ruunt. Multa huiusmodi aetas nostra vidit.
[21]	Deiectus est principatu Ludovicus Sphortia; regnum Neapolitanum primum
[22]	ad Gallos, demum ad Hispanos fere sine certamine devenit; pulsi Florentia
[23]	Medici, pulsi Bononia Bentivoli; Genua, quondam Africae Asiaeque terribilis,
[24]	in perpetuam servitutem redacta; et ne nos quis extra fortunam positos iudicet,
[25]	paucis ante annis duo principes totam Germaniam armis factionibusque invol-
[26]	verunt: sed hi nuper mortui id solum tot belli sumptibus assecuti sunt, ut
[27]	imopum miserorumque execrationibus assidue proscindantur, ut iam recentibus
[28]	exemplis discere possimus, quantum terrenae felicitati et blandientis fortunae
[29]	illecebris credendum atque confidendum sit. Sed haec nos aut valere sinamus
[30]	aut toleremus, et omnia, quae nobis auferri eripique possunt, prorsus nihili
[31]	aestimemus, ad illudque imperium atque illos thesauros aspiremus, ad quos
[32]	hostes furesque accedere minime possunt. De re literaria nihil habeo, quod
[33]	in praesentia scribam; nam et eadem repetere obtundere esset, et in tanto
[34]	Germaniae Italiaeque motu vix fieri potest, quin commercium librorum impe-
[35]	diatur. Erit tamen tuum, si insatiabilem, ut tu appellare soles, meam hanc avidi-
[36]	tatem extinguere prorsus non potes, saltem aliqua ex parte lenire. Expecto
[37]	autem abs te ea volumina, de quibus in posteriori tua epistola mentionem
[38]	facis, expecto item folia, quae mihi deficiunt, de quibus iam pridem ad te
[39]	scripsi. Vale, suavissime Bernharde, et facito omnino, ut aliquid de Germaniae
[40]	Italiaeque rebus ad me scribas. Datum Hassensteynae 27. Aprilis.
[41]	Vojsko císařské poraženo od Bartoloměje d'Alviano u Spalto di Mesorina r. 1508. Při-
[42]	pomenuté v listu změny politické a territorialní v Italii jsou z dějin obecných vůbec
[43]	známé; narážka pak na nedávnou smrt dvou nepokojných knížat německých týká se falc-
[44]	krabí Ruprechta a otce jeho Filipa kurfirsta, ktefi rozdmychali r. 1504 t. zv. válku o dě-
[45]	dictví bavorské. (Srovn. Haltaus, Gesch. Maximilians I str. 184 a n.) O scházejících Bohu.
[46]	slavovi listech, za jichž dodání opět Zádá, srovn. list 150.
[47]	*) Mitis vytiskl: arbitrantur.

Text view • Facsimile