Facsimile Lines

69

Page

[1]	65
[2]
[3]
[4]	XC.
[5]	Idem monasterio Cellae s. Mariae Brunae indulgentias elargitur.. Dl. Modrice,
[6]	V. Idus Januarii, 1247.
[7]	Bruno dei gratia Olomucensis episcopus vniuersis Christi fidelibus
[8]	hanc paginam audituris, in uero salutari gaudium et salutem. Quoniam,
[9]	ut ait apostolus, omnes "astabimus ante tribunal Christi recepturi, prout in
[10]	corpore gessimus, siue bonum fuerit, siue malum, oportet nos diem messionis
[11]	extreme misericordie operibus preuenire, ac eternorum intuitu seminare
[12]	in terris, quod reddente domino cum multiplicato fructu recoligere debeamus
[13]	in celis; firmam spem fiduciamque tenentes, quoniam, qui parce seminat,
[14]	parce et metet, et qui seminat in benedictionibus, de benedictionibus et
[15]	metet uitam eternam. Cum igitur claustrum dominarum ad Cellam sancte
[16]	Marie infra muros in Brunna pauper sit, in redditibus non habundans,
[17]	ita quod ad alimenta et alias necessitates corporis ipsis dominabus ibidem
[18]	domino iugiter famulantibus nondum proprie suppetant facultates, uniuersi-
[19]	tatem uestram rogamus, monemus in domino attentius et hortamur, in re-
[20]	missionem uobis peccaminum iniungentes, quatenus de substantia a deo
[21]	uobis collata pias elemosinas et grata eis caritatis subsidia erogetis, ut
[22]	per uestram subuentionem adiute iugibus ibidem ualeant orationibus insu-
[23]	dare, et uos illarum participes fieri mereamini apud deum, et per hec et
[24]	alia bona, que domino inspirante feceritis, post huius mundi transitum ad
[25]	eterne possitis felicitatis gaudia peruenire. Nos itague de omnipotentis
[26]	dei misericordia, et beatorum Petri et Pauli, apostolorum eius auctoritate
[27]	confisi, omnibus uere penitentibus et confessis, qui predictis dominabus
[28]	manum porrexerint caritatis, triginta dies de iniuncta sibi penitentia miseri-
[29]	corditer relaxamus. Datum Moderiz anno MCCXLVII. quinto Idus Ianuarii;
[30]	ordinationis nostre anno primo. i
[31]	E transumto ejusdem episcopi absque anno in archivo S. J. Brunensis.

Text view • Facsimile