| [1] |
Č. 190: 5. září 1431. 131
|
|---|
| [2] |
ist worden, ob der obgenante unser gnediger herre, her Sigmund, Romischer kunig,
|
|---|
| [3] |
mit tod abgieng, als vorstet, daz dann das oft genante land und kunikchreich Be-
|
|---|
| [4] |
heim von rechter ordnung und schikung des vorberurten gemechts nindert pillicher
|
|---|
| [5] |
dann auf das loblich haus Osterreich geviele, und hat sich dadurch und durch merer
|
|---|
| [6] |
frids, nuz und fromen willen des obgenanten landes und kunikreichs Beheim gen
|
|---|
| [7] |
uns verschriben, verphlichtet und verbunden mit seinen briven und glubden: wenn
|
|---|
| [8] |
sich fugte und ze schulden keme, es wer uber kurz oder lank, daz der benant unser
|
|---|
| [9] |
gn[edige]r herre, der Romisch kunig, mit tod abgieng und nicht leibserben, das
|
|---|
| [10] |
sune weren, hinder sein liess, daz dann er und all sein fre[und und] alle die, so er
|
|---|
| [11] |
uns zu dienste und undertenikait [in Beheim] bringen, uns voran oder, ob wir
|
|---|
| [12] |
nicht wern, [unseren lieben] vettern herzog Fridreichen den jungern, weilent [unsers
|
|---|
| [13] |
lieben bru]ders herzog Ernsts seligen sun, oder nach [im ainen seiner ge]bruder
|
|---|
| [14] |
auch unser liebe gevettern oder unsern [sun herzog] Sigmunden allweg von ainem
|
|---|
| [15] |
auf den andern fur sich [zu herren] aufnemen und halten wellen und uns darinne
|
|---|
| [16] |
[dienen, gehor]sam und gewerttig sein nach aller irer macht und [besten] vermugen,
|
|---|
| [17] |
damit wir zu derselben kron und gewaltsam [komen, als] das der brief, den wir
|
|---|
| [18] |
von demselben von Rosemberg daruber haben, leuter ausweiset, also haben wir
|
|---|
| [19] |
mit guter wissen und zeitigem rate gelobt und versprochen, geloben und versp[rechen
|
|---|
| [20] |
au]eh bei unsern furstlichen wirden und in kraft dizs brieves fur uns, unser ege-
|
|---|
| [21] |
nante vettern und sun, wenn sich also fugte, daz unser ainer zu gewaltsam des
|
|---|
| [22] |
obgenanten kunikreichs Beheim kumbt und darzu gekronet ist, daz wir dann dieselb
|
|---|
| [23] |
kron und die lantschaft gemainklich daselbs, die uns undertenig und gehorsam sind,
|
|---|
| [24] |
bei allen irn freihaiten, rechten, gnaden und guten gewonhaiten, die si von alter
|
|---|
| [25] |
herbracht haben, gnediclieh halten und si dabei beleiben lassen wellen. Wir wellen
|
|---|
| [26] |
auch solher treu und guten willen, darinne sich der oftgenante von Rosemberg in
|
|---|
| [27] |
den sachen gen uns beweiset und auch hinfur tun mag und sol, als wir des ain
|
|---|
| [28] |
sunder wolgetrauen zu im haben, gen im und seinen kinden gnediklich erkennen
|
|---|
| [29] |
und in des zu gute nicht vergessen. Wir geloben auch in dem namen als davor
|
|---|
| [30] |
den obgenanten von Rosemberg und alle die, so sich mitsampt im in dem obge-
|
|---|
| [31] |
nanten lande und kunikreich Beheim mit uns getreulich in die sach sezen und uns
|
|---|
| [32] |
beigestendig und gehorsam sind, als vorstet, nicht zu lassen. Und ob si in solhen
|
|---|
| [33] |
unsern vorberurten diensten icht darlegen oder von unsern wegen scheden nemen,
|
|---|
| [34] |
das sich redlich befunde, das sullen und wellen wir in gnediklich ablegen und
|
|---|
| [35] |
widerkern nach erkanntnus unser rete, auch an alle geverde und argeliste. Und
|
|---|
| [36] |
des zu urkund haben wir unser insigl haissen henken an disen brief. Der geben
|
|---|
| [37] |
ist ze Insprugg an mittichen vor unser lieben Fraun tag zu der geburde, nach Kristi
|
|---|
| [38] |
geburd im vierzehenhundert und ainunddreissigisten jare.
|
|---|
| [39] |
Pečeť, která byla pfivéSena, utrzena.
|
|---|
| [40] |
1) viz č. 189.
|
|---|
