| [1] |
544 A. XXXIII. Dopisy Karla ze Żerotina
|
|---|
| [2] |
commence par la cavallerie, l’infanterie suivra apres, e i'en av grand deplaisir pre-
|
|---|
| [3] |
voyant le danger, auquel nous nous mettons, mais scachant qu'on n'a peu faire de
|
|---|
| [4] |
moins, j'ay patience. Il n'y avoit aultre moyen d’eviter toute soupcon du costé de
|
|---|
| [5] |
cour de Vienne ct de couper l'occasion de nous courir sus du costó de Prague que
|
|---|
| [6] |
cesluy-ci; car à retenir tant de gens apres la pais faicte et si solennellement ratitiée
|
|---|
| [7] |
ct après que le roy et les estats d'Aultriche ont renvoyé les leurs, n'estoit aultre
|
|---|
| [8] |
chose que donner couleur apparente à nos ennemis d'en fair aultant et de iustifier
|
|---|
| [9] |
tout ce qu'il leur plairoit d'attenter à l'avvenir contre di nous, comme infracteurs
|
|---|
| [10] |
de pais et disturbateur du repos public; donc avons iugé pour ceste heures estre
|
|---|
| [11] |
plus expedient de ce costé d'attendre ce que Dieu vouldroit permettre, sans nous
|
|---|
| [12] |
y precipiter de nous mesmes, que par trop grand desfiance nous envelopper au mal-
|
|---|
| [13] |
heur, duquel avec tant de peine et tant de despens nous sommes garentis cest’
|
|---|
| [14] |
année. Si ceus de Boheme tenants plus de conte du danger, auquel ils se trouvent,
|
|---|
| [15] |
qu’ils n’ont faict, eussent eu aultant de souci de leur conservation, comme leurs
|
|---|
| [16] |
ennemis ont de desir de leur ruine, et nous eussent requis de secours, nous eussions
|
|---|
| [17] |
eu une iuste escuse à demeurer armez pour leur service; mais piusqu' ils se sont
|
|---|
| [18] |
abandonnés eus mesmes, ils ne se peuvent pleindre, si nous et aultres les abandon-
|
|---|
| [19] |
nons. Je cognoy que leur partes seront le commencement des nostres, mais la coulpe
|
|---|
| [20] |
sera tout à eulx comm’ à ceulx qui, ayents eu tant de belles occasions à se tirer
|
|---|
| [21] |
de ces maulx, les ont laissé escouler sans s'en avoir voulu aider aultrement.
|
|---|
| [22] |
Au demeurant, comme vous l'avez entendu aultres fois, tous les chefs
|
|---|
| [23] |
nous demeurent aultant de la cavallerie que de Vinfanterie, si que soit que
|
|---|
| [24] |
nous entreprenions de faire nouvelle levée ou que nous essayous de dresser
|
|---|
| [25] |
un'armée de nos suiects, tousiours ce nous sera aultant d'avantage pour mieus
|
|---|
| [26] |
nous opposer et faire teste à ceus qui cercheront de nous offenser; et quand
|
|---|
| [27] |
nous aurons ce bonheur de vous avoir avec nous, vostre bon conseil ct adresse
|
|---|
| [28] |
nous aidera à obvier au reste des inconvenients qui nous menacent; qui est
|
|---|
| [29] |
cause que ie vous prie de vouloir penser à vous retirer au plustost qu'il vous
|
|---|
| [30] |
sera possible aupres de nous, car quoyque pour raisons praignantes, approuvées mesmes
|
|---|
| [31] |
du conte d' Hodicz et du colonnel de Tiefenbach, ie n'aye voulu pour ceste fois pro-
|
|---|
| [32] |
poser vostre personne aulx éstats, mais l'ay remis à la diete generale, que le roy
|
|---|
| [33] |
nous publiera apres l’asques ou paravanture plustost, si pouvez vous estre bien
|
|---|
| [34] |
asseuré que la plus part des seigneurs bien affectionnés au public n’a aultre in-
|
|---|
| [35] |
tention que celle que ie vous ay declarée à vostre departement de Drin, laquelle
|
|---|
| [36] |
si vous vouldrez seconder, comme ie vous en requiers tres affectue[u|sement, non scu-
|
|---|
| [37] |
lement vous ne changerez de pensée, mais sans grand delay vous transporterez de-
|
|---|
| [38] |
vers nous, où vous serez bien venu, bien receu et entretenu, comme i'espere, à vostre
|
|---|
| [39] |
contentement. Où faisant fin après m’estre racommandé à vos bonnes graces, ie prieray
|
|---|
