Facsimile Lines

1101

Page

[1]	— 247 —
[2]	Die bezcalunge des selben geldis sal geschen vnuorzcogin-
[3]	lichen bi eime iare dar nach aller nest, als die kindere bi
[4]	einander gelegin habin.
[5]	Iz sal ouch, der obegenante vnser swager, der mare-
[6]	graue zeu Myssne, vnsirs sunes tochter zeu lipgedinge wider
[7]	machen die nach beschriben vesten: Dresden, die stadt mit
[8]	dem hove da selbins, daz hus zcu dem Tarande, daz hus vnd
[9]	daz stettchen zeu Radeberg mit welden, wisen, wazzern,
[10]	vischerien, wiltpanen, dorffern, gerichten, manschafte, zcollen,
[11]	muntzcen vnd gemeinlich mit allen eren rechten vnd nutzcen,
[12]	besucht vnd vnbesucht, wie die namin mugin gehabin, die zcu
[13]	den selben dreyen vesten gehorin vnd gehort habin, do sie
[14]	maregraue Clemme (dem Gote genade) ihne hatte als verre,
[15]	als der gute, die zcu den selben vesten gehorin vnser swager
[16]	der marcgraue innig ist vnd yzcunt an disem hutigin tage
[17]	inne hat, vnd daz sal er ouch enden vnd volzcihen, ee die
[18]	kindere zeu sammene gelegit werdin, alz daz hie vorstet
[19]	beschriben. \|.
[20]	Iz ist ouch geredit, gesche (daz Got nicht en wolle), daz
[21]	vnsirs sones, des maregrauen von merhern tochter, dar nach
[22]	als sie bi der maregrauen, vnsirs swagirs, vorgenanten sune
[23]	gelegin hetten, vorschiede ane kindere vnd nicht lenger were,
[24]	so sullen die vorgeschriben zcehen tusent schock vnsirme
[25]	sune und sinen erben vnd die obgenantin vesten vnserm
[26]	swagere vnd sinen erben wider geuallen. Hetten sie aber dech
[27]	ein kint oder kindere mit einander, so sal daz selbe gelt bie
[28]	unserm swager von Myssne vnd dem kinde oder kindern
[29]	blibin, vnd daz in vnser sum, ab iz nicht vor geschen were
[30]	bezcaln und gentzlichen geben.
[31]	Sturbe aber unsirs swagirs, des marcgrauen, sun er denne
[32]	vnsirs sunes tochter, so sal sie darnach die vorbeschriben
[33]	vesten vnd waz darzcu gehorit, zeu irme libe, vnd nicht
[34]	lenger, ab andirs das vorgesehriben gelt von vnserm sune
[35]	bezcalt wirt, behalden vnd geniezen als ires rechtis lipge-
[36]	dingis; iz were denne, daz der maregraue von Myssne oder
[37]	sine erbin die selben vesten vnd waz dar zcu gehorit, vmb
[38]	die vorgeschriben zcehen tusint schok zeu in lozin woldin,

Text view • Facsimile