Facsimile Lines

1101

Page

[1]	— 420 —
[2]	interlocutorias vel definitivas, unam vel plures, in quibus-
[3]	cunque praenominatis causis sive negotiis, quovis modo fleri
[4]	vel promulgari contingeret, auctoritate praemissa, de plenitu-
[5]	dine insuper antedictae Imperatoriae potestatis, citationes,
[6]	praecepta, processus & sententias hujusmodi, necnon execu-
[7]	tiones & omnia, quae ex eis vel aliquo eorum quomodolibet
[8]	sequi ac tentari possint vel fieri, irritamus penitus & cassamus.
[9]	Adjicientes expresse & edicto Imperiali perpetuo valituro,
[10]	eadem auctoritate & de praemissa potestatis plenitudine de-
[11]	cernentes, ut quemadmodum in praedicto regno Boemiae
[12]	a tempore, cujus contrarii non habetur memoria, jugiter
[13]	observatum existit, ita nulli prorsus principi, baroni, nobili,
[14]	militi, elienti, civi, burgensi seu rustico, nulli demum personae
[15]	seu incolae regni Boemiae saepedicti, cujuscunque status,
[16]	praeeminentiae, dignitatis vel conditionis existant vel existat,
[17]	a quibuseunque processibus, sententiis interlocutoriis vel
[18]	diffinitivis, sive praeceptis regis Boemiae aut quorumlibet
[19]	suorum judicum, neenon executionibus eorundem contra se
[20]	in regali judicio seu coram regis, regni, seu praedictorum
[21]	judicum tribunalibus faetis aut latis, habitis vel ferendis in
[22]	antea seu fiendis, liceat ad quodcunque aliud judicium appel-
[23]	lare; provocationes quoque seu appellationes hujusmodi, si
[24]	quas contra hoe interponi contigerit, eo ipso viribus non sub-
[25]	sistant & appellantes ipsi poenam perditionis causarum ipso
[26]	faeto se noverint incurrisse.
[27]	Caput IX, De auri,iargentietaliarum specierum
[28]	mineris.
[29]	Praesenti constitutione in perpetuum valitura statuimus
[30]	ac de certa scientia declaramus, quod successores nostri,
[31]	Boemiae reges, neenon universi & singuli principes electores,
[32]	ecclesiastici & seculares, qui perpetuo fuerint, universas auri
[33]	& argenti fodinas atque mineras stanni, cupri, ferri, plumbi
[34]	& alterius cujuscunque generis metalli, ac etiam salis, tam
[35]	inventas quam inveniendas in posterum quibuscunque tempo-
[36]	ribus in regno praedicto ac terris & pertinentiis eidem regno
[37]	subjectis, necnon supradicti principes in principatibus, terris,

Text view • Facsimile