Facsimile Lines

103

Page

[1]
[2]
[3]
[4]	594 Urfunden jum Jahre 1428.
[5]	20
[6]	30
[7]	35
[8]	Coln etc., herrn Ludwige phalzgraffen bey Reyne ete. und her.
[9]	zogen in Beyern, herrn herzogen zu Sachssen und marggraffe
[10]	zu Miessen etc., herrn Frederiche marggraffen zu Brandeburg etc.
[11]	und burggraffe zu Nurenberg, alle des heiligen Romischen reichs
[12]	kurfursten, unsern gnedigen lieben herrn adir irer gnaden reten,
[13]	dy zu Nurenberg an sand Jorgen tag [April 23] uff dem tage
[14]	bey enandir sein werden, empieten wir burgermeister und rat-
[15]	manne der stad Gorlicz unsir undirtenige und willige dinste zu
[16]	allirzeit bereit. Erenwirdigen hochgeboren fursten, gnedigen lieben
[17]	herrn! Mit demutigem fleisse bitten wir euir gnade zu wissen,
[18]	das wir zu euern gnaden senden den erbarn Mathis Geyzeler!)
[19]	unsern eidgenossen von suleher anefechtunge, schaden und obir-
[20]	zogis der verdampten keczer, nach dem als wir von unsern
[21]	gnedigen herrn den fursten in der Slezia und andirn unsern
[22]	frunden tegelich gewarnet werden, und auch von sulches geldes
[23]	wegen, als denne von dem erenwirdigsten unserm gnedigsten
[24]	herrn herrn dem cardinali und euern gnaden uff dem tage zu
[25]	Franckenfurd gerotslagit wurden ist, unsern gebrechen und vor-
[26]	terben von obirzogis wegen der keczer, dorinn allir sachen an
[27]	euir gnade zu brengen und zu sagen, von unsern wegen eigent-
[28]	lich undirrichtit. Erenwirdigen und irluchten fursten, gnedigen
[29]	lieben herren! Sint ir denne von dem almechtigen gote als
[30]	obirste vorstehir und vorweser der heiligen cristenheit dozu ge-
[31]	geordent und gesaczt seit, und dorumb so bitten wir euir furst-
[32]	liche gnade mit undirtenigem und demutigem fleisse, sulches sein
[33]	gewerb und botschafft von unsern wegen von im gnediglich uff-
[34]	zunemen, zu vorhoren und uns gnediglich dorundir [?] zu besurgen
[35]	mit hulffe und rath nach euir gnaden irkennen und wolgevallen,
[36]	das wir von den vorzweifelten ketzern so jemmerlich nicht obir-
[37]	zogen noch vorterbit werden. Das wollen wir den almechtigen
[38]	got umb euir gnaden lang leben und wolgefaren zu tage und
[39]	nacht gerne beten, vor unserm gnedigsten herrn dem Romischen
[40]	ete. kunige fleissiglich danck sagen und undirteniglich umb
[41]	euir gnaden und die euern zu allirzeit noch ganzem unserm
[42]	vormogen williglichen vordynen. Gebin zu Gorlicz am sunn-
[43]	abunde vor dem suntage, als man in der heiligen kirchen gotes
[44]	singet misericordias domini, undir unserm stad secret anno etc. 28.
[45]	1) Er empfängt in Nürnberg eine propinatio, f. Deutfche Reichstagsakten IX
[46]	. 159, 35.
[47]

Text view • Facsimile