Facsimile Lines

103

Page

[1]
[2]
[3]
[4]	346 Urkunden zum Jahre 1426.
[5]	or
[6]	=
[7]	ov
[8]	20
[9]	25
[10]	30
[11]	ire lande adir lute fiande adir ymandis anders, der widder sie
[12]	adir ire lande adir lute tun wolden, nicht husen nach herbergin
[13]	adir ymandes der unsern gestatenn zu herbergen adir eynichirley
[14]	furderunge tun inkeinweis, sundern alle sachin gein en und den
[15]	iren gutlichen und fruntlichin halden und saczin die egenannte
[16]	zeit alumb!) ane geverde. Und das wir all und igliche obin und
[17]	nachgeschribin stucke, punckte und artikel disses briffes stete,
[18]	feste und unfuruckit halden wollen, darumb seczin wir zu burgin
[19]	den edeln er Albrechten von Coldiez, unsern heuptman egenannten,
[20]	und die burgermeister und burger der stete Budissin und Camencz,
[21]	die vor und mit uns reden und globi und dissin briff mit iren
[22]	insigeln versigiln sullin. Und wir ebenantenn Albrecht von
[23]	Coldiez, burgermeister und burger der stete Budissin und
[24]	Camenez reden, bekennen und gelobin mit desim brive un-
[25]	schedelichin, daz wir williclich vor alle und igliche obin und
[26]	nachgeschrebin stucke und artigkel disses brives und das die
[27]	volkomlichin gehalden werdin sullin, burge wurden sin. Und
[28]	wer, daz an den vor und nachgeschrebin stucken von den
[29]	egemelten landen und stetin bruch adir simisse?) wurden, so
[30]	sullin und wullenn wir iczund genanten burgen zu rechtir pene
[31]	gein Dresden von stund, so wir des von unsern gnedigen hern
[32]	adir iren amptluten errmand werden, in eyne adir zwu gemeine
[33]	redeliche herberge insenden zwenzig.leistbar®) pherde mit zwenzig
[34]	unser burger adir knechte, die daselbins leistunge und inlegir
[35]	an giesels stad uf uns bringenn, haldin und tun sullin und
[36]	user sulchim inleger nicht komen nach ritenn, es sy denne, daz
[37]	alle und iczliche stucke und artickel disses brives werden und
[38]	sin vor des genozlichin volkomen und usgerichtet den obgenanten
[39]	unsirn libin gnedigenn hern. Und unser eyne partye sal sich
[40]	mid der andern nicht behelffin noch entschuldigin, sundern
[41]	semptlichin halden und alle stucke deses brives ganz volfuren,
[42]	als obingeschrebn stehit, sundern arg und allis geverde. Und
[43]	wir itezund genanten burgin habin zu orkunde unser und unsrer
[44]	stete ingesigil an dissin briff thun hengin.
[45]	Gegebin zu Dresden am sunabende nest nach visitacionis
[46]	Marie anno domini 1426.
[47]	1) Derftärkung für umb, was doch wohl die Bedeutung hat „überall umher”.
[48]	2) Sünmnijfe.
[49]	3) Bat mohl den Sinn: welche den Derpflichtungen des Cinfagers nad:
[50]	fommen fônnen.

Text view • Facsimile