946

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

1494. 57

oculis Iynceis inspicit, in suis talpa est? Is profecto, qui inter scorta meretri- culasque a pueritia versatur, in cuius domo pellices una cum matrefamilias degunt; qui adeo mulierculis afficitur, ut inter eas philosophari*%) quoque pulchrum putet; is, inquam (adeo pudorem verecundiamque omnem exuit) libidinem ecclesiae exprobrat. Sed restat, ut de superstitione dicamus, et eum 1%) non superstitiosum sed plane irreligiosum 46) ostendamus; quippe qui neque christianae neque cuipiam alteri religioni astringitur, sed quasi novus Arcesilas aut Carneades omnia incerta esse arbitratur, non dubitaturus, ni im- petum populi vereretur, inferos superosque negare. Quoties enim sanctos blas- phemat? Quoties de eis male loquitur? Quoties mysteria sacrificiaque christiana irridet? Huc nervos eloquentiae suae intendit, in hoc genere causae declamat,*?) hic se maxime exercet. Non me ista fingere plerique testes sunt, qui mihi hominis mores saepenumero non narrarunt tantum, sed etiam depinxerunt. Et queritur de superstitione et impietate, qui veram religionem et pietatem ne somniando quidem unquam cognovit. Confirmat autem scientiam suam testi- monio ex hymnis Aeneae sumpto. Quamquam autem vix crediderim Aeneam hymnos scripsisse (parum enim studii operaeque vir ille in versibus compo- nendis posuit, et si quid in eo genere scripsit, id Basileae incendio absumptum fuisse ab his, qui vitam eius scripserunt, traditur): 585) demus tamen hoc homini, ut intelligat, quam secum liberaliter agimus, et petamus vicissim iure humani- tatis ab eo, ne uni testi credere compellamur; et si quid sive Aeneas sive quis alius lascivius *?) petulantiusque scripserit aut dixerit, scientiae suae tan- quam arbitrio??) stare, quandoquidem et Augustinum non puduit pleraque in voluminibus suis retractare. Quodsi Aeneae tantum tribuit, cur Hieronymi, Ambrosii, Gregorii, Hilarii, Bernhardi Anshelmique testimonia non admittit, quae in laudibus ecclesiae personant? Nisi fortassis Aeneae authoritas maior est quam eorum, quos modo nominavi, qui omnes tempora Sylvestri sequuti sunt. Quod ideo dixi, ne calumniandi occasionem ex hoc loco sumat. Caeterum fingamus sane ecclesiasticos principes malos esse; nam et ipse quoque non omnia in omnibus probo, neque tamen more adversarii (proh deum hominumque fidem!) exclamo, sed potius misereor, nempe qui scio et in coelo et in para- diso peccatum inventum, et Judam unum ex duodecim apostolis fuisse: fin- gamus tamen inquam plerosque fuisse aut, si ita adversarius vult, omnes corrupte vitioseque vivere, num propterea potestatem *! a domino acceptam amiserunt? Periculo certe suo male operantur et suo domino stant aut cadunt, neque sacrificia ab his contaminantur, sed duntaxat se pollute tractantibus perniciem afferunt. Malus erat Caiphas, sed quia pontifex anni illius, prophe- tavit. Dominus quoque in evangelio eo loco, ubi ait: »quaecunque dixerint

*5) M versari.

15) M dum.

16) M ne religiosum guidem. **) M declarat.

8) M contenditur.

19) M calamus.

5%) K arbitri.

5) M pietatem.