Javascript seems to be turned off, or there was a communication error. Turn on Javascript for more display options.
556 Listiny archiwu někdy Olešnického
hern, vnd alle vnser amptlewte an den egenant summen, renten vnd losungen mit
kraft dicz briues genczlichen vnd gar kweit, ledig vnd lose. Mit vrkunt etc.
Nu sein wir pflichtig, vnsers obgenanten genedigisten herren gebot, das vns sein ku-
nigliche genade mundlich beuolhen vnd geboten hat, czu halden vnd czu derfullen; vnd ge-
loben mit vnsern guten trewen an geuerde der obgenanten frawen Kathrein, dieweil sie lebt,
vnd nach irem tode iren erhen, das wir alles das in pflichtig wollen sein, worein vns vnser
obgenanter genedigister herre in seiner maiestat briue verschriben vnd verpunden hat, Es
sullen ouch alle artikel, punk vnd klawsl, dye in vnsers obgenanten herren maiestatbrif
gschriben [sic] vnd begriffen sein, gancz vnd gar krafft vnd einen furgank haben an geuerde.
Des czu einer sicherheit vnd czewgnusse haben wir mit vnserm wissen vnsere insigele ge-
hangen an den briue. Der gegeben ist an sand Philippi vnd Jacobi der heiligen czwelfboten
tage nach Kristi geburde vierczehenhundert dornach in dem dreiczehenten jare.
K listu přivěšeno na proužcích pergam. 11 pečetí, olomoucká a znojemská jsou červené, brněnská,
jihlavská a jemnická zelené, a ostatní z vosku přirozeného (nebarevného).
70.
Václav, římský a český král, potvrzuje Erhartovi z Kunštatu seděním na Bechyni listy mar-
kraběte Jošta, jimiž mu byl zapsal ve 4000 kopách gr. hrad Pyšelec, městys Bystřici, město
Kostel zvané Podivín s jich příslušenstvím. (57).
V Praze, 5. června 1418.
Wir Wenczlaw, von gotes gnaden rom. kunig, zu allen czeiten merer des
reichs vnd kunig zu Beheim, bekennen vnd tun kunt offenlich m. d. br. oc, das fur
vns komen ist der edel Erhart von der Cunstat gesessen zu Bechin, vnser liber ge-
trewer, vnd batte vns mit demutigem fleisse, das wir im sulche briue, dorynne im
ettwenn der hochgeborne Jost, marggraff zu Brandemburg vnd zu Morhern, vnser
liber vetter vnd furste, das hawse Pysschelecz, den markt Bistricz vnd die stat Ko-
stel genant Podyewin mit iren zugehorungen fur vir tausent mark groschen merhe-
rischer czale vorschriben vnd eingeben hat, als das dieselben vnsers vettern briue
eygentlichen ynnehalden vnd wol vsweysen, zu bestetigen, zu uernewen vnd zu con-
firmieren gnediclich geruchten.
Des haben wir angesehen gneme, nucze vnd getrewe dinste, die der ege-
nante Erhart dem vorgenant[en] vnserm vettern, marggraff Josten, ofte vnd dicke ge-
tan hat, vns teglich tüt vnd furbas tun sol vnd mage in kunftigen czeiten, vnd ha-
ben im dorumb mit wolbedachtem mute, gutem rate vnserr fursten, herren, edeln
vnd getrewen die egenant[en] briue, die er vber die egenanten vnsere slosse, stete,
merkte vnd dorffer vnd ire zugehorunge vnd die egenanten vir tausent mark gros-
schen merherischer czale von dem vorgenan[ten] vnserm vettern hat, bestetet, ver-
newet vnd confirmiret, besteten, vernewen vnd confirmieren im die in craft dicz
