Javascript seems to be turned off, or there was a communication error. Turn on Javascript for more display options.
224 —
232.
Markgraf Jodok verkauft der Stadt Znaim die Maut in Schallersdorf.
Dt. Znaim 19. Jünner 1395.
Wir Jost von gotes gnaden marggraf und herre zu Merhern bekennen offenlich
mit diesem brife, daz wir mit wolbedachtem mute, rechten unsern wissen und guten willen
den erbern richter, burgermeister und schepfen der stat zu Snoym und irer ganzen gemeine
unsern liben getreuen, die izundt sein. oder hernoch in zukunftigen zeiten werden, unser
maute zu Schalesdorf bei Snoym erblich, recht und redlich vorkaufft haben und vorkauffen
in die mit krafft dicz brifes also, das sie dieselbe maute mit allen iren geniessen und
zugehorungen haben, halden und besizen sollen ewiglich an irrunge und an alle hindernusse
und sal auch dieselbe maute von uns unsern erben und nochkomen marggraffen und herren
zu Merhern von den vorgenanten richter, burgermeister scheppfen und der ganzen gemeine
der stat zu Snoym nimerme gefordert noch gezogen werden, sunder ewiglich bei der stat
bleiben sol an infelle und an alle hindernusse. Und wollen auch, ob wir, unser erben
und nochkomen, marggraffen und herren zu Merhern dieselbe maule in zukumftigen zeiten
immer geforderten, ader sie wolden wider haben, das demne alle solche forderunge keine
krafft noch macht haben sal, sunder das dieselbe maute als ir eigen guet ewiglich bei der
stat bleiben sal an alle infelle, irrunge und an alle ansprache ungehindert in aller masse,
als obgeschriben stet. Mit urkundt dieses brifes vorsigelt mit unserem angehangendem |
ingesigel. Geben zu Snoym noch Cristes geburt dreizenhundert jar dornoch in dem fumften
und neunzigistem jare des nechsten dinstags vor sand Fabiani und Sebestiani tage.
(Orig. Perg. h. Sig. im Znaimer Stadt-Archive.)
233.
Jost, Markgraf su Máhren, Heinrich von Rosenberg, Brenko von Skal und Buschko von
Sclwanberg versprechen dem Hans, Georg, Ulrich (Sohn des Georg), Hans dem Hohen-
felder, Hans von. Wiesen und Hans dem Sensensengger 1360 Pfund Wiener Pfennige für
die Kriegsdienste, welche letstere ihnen durch sechs Wochen mit 68 Spiessen und soviel ..
Schützen leisten. Dt. Budweis 23. Februar 1395.
Wir Jost von gottes gnaden marggraf und herre zu Merhern, wir Heinrich von
Rosemberg, Brzenke von Skal und Buschke von Schwamberg bekennen unverscheiden-
lichen für uns und unsere erbern, das wir den erben Hansen, dem Jorgen, herren Ulrichen
des Jorgen sun, Hansen, Hansen dem Hohenfelder, Hansen von Wisen und Hansen dem
Sensensengger und iren erben gelten sullen und schuldig sein dreizenhundert pfunt und
sechzig pfunt Wienner pfenninghe, dorumb sie uns mit sechzig und acht spiessen und so
vil schuczen von dem heutigen tage sechs ganze wochen sullen dinen und warten. Und
