82

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

174

sine viende worden sint, und nemelich die hochgebornen fursten herzogen Cunraden von der Olsen, herzogen Hansen von Troppow und Radbor, herzogen Swantebur von Stetin und den herzogen von Teschin, der unser helffer gewesen ist, unser helffer und alle die, die darunder vordacht sint, die wir alle mit uns gein ime vorsunen und in die sune zihen, Ader umb die gefangen daz sullen wir halden alz hirnach geschriben stehet: Is sullen ouch alle gefangen, die unsere gefangen sint, tag haben bis uf den nesten montag nach dem suntage alz man singet Reminiscere und vier wochen darnach, die erbern uf ire ere und truwe, burgere und gebure uf burgen; welche erbern sich aber vore an iren eren und truwen vorhandelt und truweloz worden weren, den sullen wir tag geben uf gute burgen und sullen ouch alle schazunge und gedingnisze, daz nicht bezcalt ist, in burgen hant stehen lazsen ungemant bis uf den selbin montag noch dem, suntage Reminiscere und vier wochen darnach, alzo vorgeschriben stehet, ane arg. Were ouch, daz unser herre der konig mit uns von den sachen, die sich in dem krige, den wir mit unserm bruder haben gehabt, vorlauffen habin, teidingen ader uns antedingen worde ader worlde und daz wir die, die wider uns in deme krige gewest sint, ouch darumb wider antedingen und anreichen musten, damite sullen wir disze sune nicht oberfarn noch gebrochen haben. Denne waz unsere lieben swegere egenante ader ir einer, alzo vor mergeschriben stehet, zwisschin unserm brudern und uns uzsprechen und scheiden mit einem fruntlichen rechten, daz sallen wir unvorzoglich unvorrucket genzlich und vestiglich halden und die tedinge, die unser herre der konig mit uns tete ader hette, sullen zu dem uzspruche und scheidunge keinen schaden, infal noch ernisze brengen noch machen ane geferde. Bie diszin tedingen und sune sint ouch gewest und sint gezeuge die hochgebornen fursten herre er Wilhelm marcgrave zu Miszin etc. und herre er Fridrich burcgrave zu Norenberg egenante unsere liebin swegere und die edeln er Heinrich vom Nuenhuse, er Bote von Czaslewicz, er Jan von Michelsberg, er Jan von Mesirschicz, er Boske von der Kunstat und ander vil hern, ritter und knechte, den wol ist zu glouben. Und daz wir alle obgeschriben rede, stucke und artykule und in igliches besundern stete ganz und unvorbrochlich halden sullen und wollen, des zu urkunde und merer sicherheit haben wir unser insigel wissentlich an diszin brif lazsen hengen. Der gegeben ist zu Prage noch Cristi geburt drizenhundert jar darnach in dem vierundnun- zigisten jare an der mittewochen an sente Agathen abinde der heiligen juncfrouwen.

(Orig. Perg. mit anh, Sig. in den altstindischen Acten des m. Landes-Archivs.)

179.

Prokop Markgraf von Mähren verspricht, seine Anhänger in Polen und Mähren und den Herzog Svantibor von Stettin von der zwischen ihm und dem Markgrafen Jodok aus- gesprochenen schiedsrichterlichen Entscheidung in Kenntnis zu setzen.

Dt. Prag 7. Februar 1394.

Wi Prokop von gotes gnaden margrave zu Merhern bekennen und thun kunt offent- lich mit desem briefe. Alze wir mit unserm lieben bruder ern Joste genzlich gesunet und zu