Javascript seems to be turned off, or there was a communication error. Turn on Javascript for more display options.
484 A. XXXIII. Dopisy Karla ze Žerotína
etsi non orthodoxae, cordatus quin etiam satis. Rem tamen omnem arbitrio tuo per-
mitto et te consiliaque tua Dei aeterni, Dei exercituum praesidio et tutelae commendo.
Nos plane in eo sumus, ut militem faciamus, tum vobis, si opus sit, futuri
auxilio, sive cum caesariano opposituri, si vis aliqua ab illa parte ingruat. Vale,
illustrissime baro, et me tecum in conservationem regis et libertatis avitae plane
conspirasse certus esto. Rossicii XIIII. Kal. Martii [1610]. Tibi omni observantia cultu
addictus.
PS. Absoluta hac epistola cum eam Hodiczio nostro legendam dedissem, in-
tellexi rem ipsum cum Golczio communicasse, nec alienum eum deprehendisse ab istis
consiliis, imo cognovisse, iam illum aliquid subodorasse aliunde de vestro instituto; nec
ego dubito, cum et Rudolphus Tiefenbachius non absimilia hic inter nos privatim
sparserit; cautius agendum in istius modi et maiore silentio res tanti momenti
tractandac.
Opis v knih. Bludov. VI—3881 fol. 157 v. ć. 9.
1646.
Budovcovi: zbrojení Moravanů nesměřuje proti Čechům; ale najímání vojska v Čechách
a v sousedství vzbudilo v nich podezření. — Na Rosicích 24. února 1610.
(Vencislao Budovicio baroni. Cum magis magisque multis evidentibus indiciis
appareat, arma, quae circum circa occultis partim artibus, partim manifesto conatu
instruuntur, vel adversum nos vel conjunctas nobiscum provincias, taceo alios, qui
se extra teli jactum positos putant, spectare: consilium ceperunt proceres nostri,
tantisper dum conventus omnium ordinum haberi posset, quem ad VI. Id. Martii
Brunam indixi, ita provinciam praesidio militari munire. ut seu vis seu insidiae pa-
rentur, ad tuenda nostra et quos mutuum foedus nostros fecit, aliquomodo saltem
armati essemus; atque hunc in finem ter mille pedites, equites mille tantisper suo
sumptu alere instituerunt, dum ordines, approbata et rata habita deliberatione hac,
proprio stipendio suo illos addixissent. Sed quia, ut vulgato fertur proverbio, fama
volat, nullum mihi dubium facio, quin intra paucos dies plena hujus rumoris apud
vicinos futura sint omnia, nec defuturos, qui pro diversitate voluntatum varia de hoc
consilio judicia faciant vel temere potius jaciant. Imo persuasum ferme habeo, dili-
genter in eo laboraturos concordiae nostrae adversarios et bonis nostris moerentes,
ut animos vestros suspicione imbuant, ac si contra vos haec arma sumpta essent,
novae in vos expeditioni inservitura. Ac ut ut instituti nostri rationem, uno excepto
rege, nemini hoc rerum statu reddere teneamur, facit tamen amicitia nostra et
commune in rem publicam studium, ut causas, quae nos eo impulerunt, paucis tibi
aperiam. Primo equidem nemini ignotum est, toto fere imperio militem fieri; cujus
coepti etsi aliae et aliae causae praetexantur, constat tamen, ex duplici foedere
