Javascript seems to be turned off, or there was a communication error. Turn on Javascript for more display options.
— 517 —
fürbas an leiberben verfuren, und unser land also rechter
leiberben, die von uns, unsern kinden und kindes kinden
komen móchten, erblos würden: daz da alle unser erbleich
fürstentum, land und herscheffte, vesten und stette, leut und
gütter, die wir nu haben oder hernach gewinnen, erben und
gevallen sullen mit vollem und ganzem rechte auf die vor-
genant herzogen von Oesterreich, und die egenant Margreten,
ir schwester, und auf alle ire leiberben, sün und tóchter, die
in Gott noch geben mag, und auf derselben kint und kindes
kint nach dem rechten stame ewicleich, die von iren leiben
komen mügen, an alle geverde.
Und ze gleicher weis hinwieder sprechen und wellen
wir, die vorgenant herzogen von Oesterreich, und wir die
egenant Margret, ir swester, ob daz geschehe (das Got
durch sein gnad wende), daz wir und der durchleuchtig fürste,
her Ludweig, kunig ze Ungern, unser lieber pruder, und die
hochgeborn frawe kunigin Elspet, sein muter, und die hoch-
geborn Elspet, weilent herzog Stephans von Ungern, seines
bruder tochter, unser liebe swester, abgiengen und verfuren
an eleich leiberben, und auch ob wir an demselben unserm taile
leiberben gewunnen, die fiirbas an leiberben verfuren, und
unser lant also rechter leiberben, die von uns, unsern kinden
und kindes kinden kommen móchten, erblos wurden: daz darin
alle unser erbleiche furstentume, lant und herscheffte, vesten
und stette, leut und güter, die wir, die vorgenanten herzogen
von Oesterreich und Margret, unser swester, nu haben oder
hernach gewinnen, erben und gevallen sullen mit vollem und
mit ganzem rechte auf die vorgenant kaiser Karlen von Rome,
kunig Wenzlawen von Behem und margraf Johansen von
Merhern und auf ir leiberben, siin und tóchter, und auf der-
selben kind und kindes kinde, nach dem rechten stame
ewicleich, die von iren leib herkómen miigen, an alle geverde.
Doch in solehem underschaide, daz auf baiden tailn
yegleich unser lant und leut, sunderleich, wenn halt die
gevallent, beleiben sullent ewicleich bey allen den rechten,
freyheiten, gnaden und guten gewonhaiten, die si von alter
gehabt und herbracht habent, an alle geverde.
