Javascript seems to be turned off, or there was a communication error. Turn on Javascript for more display options.
— 46 —
— daz wir durch liebe und dienst, den uns unser lieber
fürst und swager etc. an dem strite bei Muldorf — getan
hat, geloben, seinem aydem Friderich dem jungen, march-
orafen von Missen, ze leihen die lant Düringen, Missen und
das Osterlant, die von uns und dem riche ze lehen geen eto.
— daz wir für chost und schaden, den unser etc. an
dem strite bei Muldorf getan und genommen hat, gegeben
haben und geben alle die gevangen, die er gevangen hat an
dem selben stritte, ze schaffen mit in in seinen frum und nutz
in alle weis als er beste chan und mach, und swaz er von
in gehaben und gewinneu mach, ez sei an erbe, burgen oder
an gute, das ist unser gute wille, und swas des, daz er von
in also gewinnet, von uns und dem riche ze lehen riiret, daz
geloben wir im ze leihen und in dar inne ze behalten und
ze beschirmen.
— daz wir umb den nutzen und erbern dienst, den uns
und dem riche uuser lieber fürste und swager Johans, chunig
von Beheim und von Polen, getan hat an dem stritte bei
Muldorf — im Eger die stat und das lant mit den vesten
Hohemberg, Seberg, Kynsperg, mit herscheft, rechten, vogtayen,
clostern, burchlehen, iuden, manschaft, nützen und mit allem
dem das daezó gehórt, für zehen tusent march silbers, drei
phunt haller für ie die march zu reiten, und auch für zehen
tusent march, die wir im vor dar auf geben haben, als er
des unser briefe gehabt hat, dieselbe stat, lant und vesten
ze haben und ze niezzen von im und seineř erben an allen
abslach, swas si sein geniesen als lang uncz daz wir es oder
unser nachchumen an dem rîche von im oder seinen erben umb
die vorgenanten zweintzich tusent march silbers wider losen.
— daz wir umb den nutzen und erbern dienst eto.,
versetzen unser und des riches stete Altemburch, burch und
stat, Zwichowe et Chemnitz mit dem lande, herscheft, rechten,
clostern, kirchlehen, vogtayen und mit allem dem das daczo
gehort, für zehen tusent march silbers, drei phunt heller für
ie die march ze reiten, die selben stette, burch und lant von
im, von seinen erben oder swem er es antwurtet, ze haben
und ze niezzen an allen abslach eto.
