Javascript seems to be turned off, or there was a communication error. Turn on Javascript for more display options.
— 323 —
hern volge sein zugelt und morgengabe, die in der selben
fruntschaft benant ist, der summe ist sechs tusent sweirer
mark lötiges silbers: di wir yn bewisen sullen und beweisen
uf pfantschaft, die her nach geschriben stant: uf den Herten-
stein, Aurbach, Velden, daz Bleche und vf den Neydstein ı und
waz darzu gehoret, besucht und unbesucht, ob der erde und
under der erde, uf walde, wazzerr und weide, mit allen rechten
und herschaften, die dar zu gehorent.
Wer aber, daz die durchluchtig Anna, unser libe dochter,
sein elich wirtin, vorgienge er dann unser vorgenanter herre
und süne, so sol die selbe morgengabe ym verbleiben, die wile :
er lebet, und nach seynen dot werden unsern erben, ob wir
die lazzen, sunder ob der vorgenant unser herre und sune,
mit unsern andern dochtern, dheinerley gelt sy zu beraten,
uz geben hetn, daz sol seinen erben und nachkomen, kungen
zu Becheim, von derselben morgengabe und zugelt zu vor
bezalt werden und ouch, ob er ichtes ubrigs uz geben hete
mit den vorgenanten unsern dochtern, daz selbe sullen unser
erben sinen erben und nachkomen gantzlich richten und bezalen.
Were aber, daz die morgengabe bezzerr were, dann daz
gelt, daz unser herre und liber süne vz geben hete, alz vor-
geschriben stet: so sol daz ubrig alzumal volgen unsern erben.
Were aber, daz unser vorgnanter her und sune er wan
die vorgnant durchluchtig frowe Anna vorgienge, si heten
erben oder nicht: so soll alle ir morgengab und leiptgeding,
der summe ist nun tusent mark sweirer lotiges silberz, daz
er unserer dochter verschriben und bescheiden hat uf Tachowe
und uf Phreymberg der burgen und uf Tachove der stat,
ritter und knechten, burgern, edeln und unedeln, und uf
walde, wazzer und weide, besucht und unbesucht, ob der
erde und under der erde, mit allen rechten, herscheften und
mit allem dem daz darzu gehort, dez er sy ie gewere als
furstin leiptgedingz recht ist, seczen sol, so er schirst mag,
an geverde, hie zwischen und sand Johans Baptisten tag, der
schirst kumt, ir volgen, die wile sy lebt, vnd nach irem dot
wider zukomen zu unserz liben hern und sunes erben und
sunes erben und nachkomen.
21*
