Javascript seems to be turned off, or there was a communication error. Turn on Javascript for more display options.
— 979 —
260. Carolus Romanorum et Boemiae rex approbat
et confirmat literas privilegiales civitatis Egrensis.
1347, 25. Septembris.
Karolus D. gr. Rom. rex s. a, et B. rex, notum facimus
universis. Licet ad persequenda vota fidelium in hiis praesertim,
quae rationi consentiunt, ad tanto ampliorem progressum regia
celsitudo se novit obnoxiam, quanto divinae dispensationis
gratia pluribus dominatur: illorum tamen votivas preces atten-
tiun exaudire tenetur, quos virtutum approbata constantia et
fidelium obsequiorum laudabilitas recommendat.
Sane cum dilectorum nobis fidelium nostrorum, civium
Egrensium, pro se et universitate sua oblata nobis petitio
contineret, quatenus eisdem literas, quas a rec. mem. Roma-
norum et Boemiae regibus, nominatim a divo Rudolfo et nonnullis
aliis ac à nobis, dum essemus marchio Moraviae, obtinuisse nos-
cuntur, approbare et confirmare dignemur —
Primae etenim literae tenor talis erat:
(Litterae Premiyslai II. dd, Egrae 1266, — Cod, jur, boh. 1, 54.)
Item secunda litera sonabat in haec verba:
,Albertus D. gr. Rom. rex s. a. universis Romani Imperii
fidelibus praesentes literas inspecturis gratiam suam et omne
bonum. Dignum censemus et consentaneum rationi, ut eis, qui
fide et devotione prae aliis se ad nostra et Imperii beneplacita
exhibent promptiores, prae ceteris etiam plus impendat nostra
serenitas gratiae et favoris. Hinc est, quod prudentium virorum,
ciuium Egrensium, fidelium nostrorum dilectorum, grata et
fidelia servitia, quae nobis et Imperio impenderunt hactenus
et impendere continuatione laudabili non desistunt, benignius
advertentes, ipsis hane specialem gratiam duximus faciendam,
ut inantea extra civitatem Egrensem super quacunque etiam
actione ad nullum judicium provinciale evocari debeant sive
trahi, nisi querulantibus in civitate eadem per judicem, qui
pro tempore fuerit ibidem, justitia denegetur.
Praesentium etc.
Datum in Hailprunnen septimo Kal. Julii a. 1305, regni
vero nostri anno septimo.*
