1094

This is where the footnotes go.

View options

Show: Formatting <lb> Images

Javascript seems to be turned off, or there was a communication error. Turn on Javascript for more display options.

18 A. XXXII. Dopisy pánův Jana a Vojtěcha z Pernšteina

hochgelehrte vnnd ehrenvhesten lieben Herren vnnd Freund. Wir geben Euer Liebden vnnd Euch aus Notturft freuntlicher vnnd gueter Meinung zu uernemen, dass der durchlauchtigste grossmächtige Furst vnnd Herr Herr Ferdinand, zu Hungern vnd Behem oc Konig oc, vnnser genedigister Herr, neben anderen yrer Kon. Mt Reten vnd Bottschaftern vnns auch in Potschaften zu koniglicher Wyrde zu Polen Rethen vnnd Botschaften uff den Tag vnnd zu der Handlung, so ietzunder zu Posen sollte geleystet vnnd gehalden werden, abgefertiget, wie wir dann gen Posen zu reysen uff dem Wege sind.

Aber nachdeme vnns vnuerporgen, sunder guet Wyssen tragen, dass Kon. Mt treffenlich Kriegsvolekh Ofen, auch, wie wir bericht, Janus Wojda darinne solle be- legert sein, des zu erobern ane Zweyfel in ernstlicher steter vnnd embsiger Ubung sind, denen Gott sein Gnad, Glueck vnnd Siege verleyhen wolle; herwyderumb so ist durch E. L. vnnd euch mir Woytichen Herrn vom Pernstein als Kon. Mt Haubttleutt einem der Cron zu Behemen geschrieben vnnd angezeigt, dass E. L. vnd euch glaublich angelanget, dass sich die Turken sollen entpoeren vnnd erheben, Ofen vnnd Jhans Weyden zu Rettung vnd zu entsetzen ziehen, vnd ane Zweifel gegen Kon. Mt gemelts Kriegsvolkh das ergste die zu schlagen ader ynen abzuprechen fuernemen, wie dann ich Woytich dasselbig E. L. vnd Ewer mir derhalben gethan Schreyben, dyweyl ich aus Beuelch Kon. Mt aus dem Land abreysen muess, den andern Herrn Landshaubtleutten meinen Mitgesellen uffs eylendest zugefertiget, dy sich ane Zweyffel der Notturft nach yn die Sach werden wyssen zu schicken. Dyweil dann der Kon. Mt andern abgefertigten vnd vnser der Bottschaften Beuelch zu Posen nicht den wenigsten Theil diese Kriegsleute in Ungern belangend ist vnnd in der Arbeit sein werdet, haben wyr nicht kleyn vor notturftig, zutreglich vnd guet an- gesehen vnnd bedacht, dass die andern Kon. Mt abgesandten Bottschaften vnnd wir offtmals vnnd allezeit gen Posen gewyssen vnnd erfaren móchten, wie sich die Sachen mit Kon. Mt Kriegsuolkh, in Hungern vnd vor Ofen liegend, vnd sonderlich wie es sich mit Eroberung des Schloss vnd Stat Ofen vnnd des Jhanus Weyde Person zu- traget, ader ob Kon. Mt Kriegsuolckh in Nott vnd Geferlickeyt steen, ader wie es sich yrenthalben heldet, durch die Poten yn Erkundigung komen mochten, wiewohl wir ‘vos in aller Handlung zu Posen Kon. Mt Instruction vnnd Mandat nach zu balden wyssen.

Aber nichtsdestoweniger darnach sich durch Irer Kon. Mt Kriegsuolkh die Kriegshandlung in Hungern zu Irer Kon. Mt Gewinne ader Verlust schicket, stellet vnd zutruege, so wissen wir vnns souil dester stattlicher zue Irer Kon. Mt Notturft Nutzen, Frommen vnd Zutrage, auch in den Handlungen allen dester pass daruach zu halden, dareyn zu schicken vnnd Irer Kon. Mt Pestes nach Gelegenheit der Sachen zu betrachten vnd furzunehmen; Euer L. vnd Euch freundlich bittende, wellet der