Javascript seems to be turned off, or there was a communication error. Turn on Javascript for more display options.
quelque part que soient trouvez, prenez réaulment et sans deport
et iceulx ausditz juges delivrez sans demeure ou délay, pour procéder
à l'encontre d'eulx comme raison devra; et tant en faictes que
ceste secte dampnable puiste du tout estre extirpée et que ne
puissiez estre reprins de négligence, car ainsi en faveur de nostre
foy et de nostre mére Sainte Eglise nous plaist estre fait.
De ce faire, à vous et à vos commis et députez donnons plain
povoir, auctorité et mandement espécial. Mandons et commandons
à tous noz justiciers, fficiers et subgiez, prions et requérons tous
autres, que à vous ou à vosditz commis et députez en ce faisant
obéissent et entendent diligemment, et à vous et à vosditz commis
et députez prestent et donnent conseil; confort, aide et assistance,
se mestier en avez et requiz en sont.
Donné en nostre ville de Lille, le XIe jour de mars, l'an de
grace mil quatre cent vingt et neuf, soubz nostre scel de secret
en absence du grant.
Par monseigneur le duc: (Lancelot Savarre?)
Frédéricg, Corpus documentorum etc. I, 312—314.
24.
FILIP DOBRY, VÉVODA BURGUNDSKY, RUSÍ KONFISKACI
STATKÜ UPÁLENYCH SEKTÁRÜ V LILLE NARÍZENOU
BISKUPEM Z TOURNAI A INKVISITOREM
1430 (n. st.), březen 24., Lille.
Archives du Nord, Chambre des comptes, Lille, B. 1110, Nr. 15. 5783
PHELIPPE duc de Bourgongne, conte de Flandres, d' Artois, de
Bourgongne, et palatin de Namur, seigneur de Salins et de Malines,
à tous ceulx quy ces lettres verront, salut. Comme Revérend Pére
en Dieu, nostre amé et féal conseillier l'evesque de Tournay et
aussy nostre treschier et bien amé en Dieu sire Lambert de Campo,
vicaire de ]’ inquisiteur de la foy, eussent naguaires par leur ap-
poinctement ou sentence condampnié a punicion d' ardoir comme
hereses contre la foy chrestienne, Watier le Mainnier dit le voleur,
Jehan de Menin, Jehan Desgoutieres, Bertran le marcant et autres.
Et sur ce et contre eulz se fut ensuivie exécution et punicien d’ ardoir
et en faisant laquelle condempnacion desdits Révérend père en Dieu
et vicaire dudit inquisiteur eussent declairé les biens, meubles des-
115
