Javascript seems to be turned off, or there was a communication error. Turn on Javascript for more display options.
bonnes villes, comment mon dit seigneur le duc et ses gens d’
armes en allant, oů dit voyage porroit avoir ouverture logis et pas-
sages parmy les bonnes villes et fotresses et aussi, comment on
recourroit de vivres et le pris que on mettroit sur iceulx. /
Item, demander aux dessus dis princes, prélas et gouverneurs,
quel chemin mon dit seigneur et sa puissance porroient aller par
dela pour le plus aisie tant chemin et trouver habondance de vivres,
et par quel lieu il leur samble que on devroit entrer ou pays des
ennemis.
Item, enquerir de l' estat desdis adversaires, comment il se main-
tiennent en leur guerre, quel nombre de gens, de cheval ilz sont,
comment ilz sont armes et abatonnez, quel nombre de gens de
piet il[z] sont, et combien il[z] ont de gens de trait et quel habillemens
et soutientez ilz ont quant ilz tiennent les champs du guerre.
Item, demander aux dessus dis princes, prélas et gens du pays,
quelz remédes leur samblent estre convenables et necessaires pour
resister aux engins et malices des dis ennemis, et se ceulx des pays
de par dela ont advise aucuns habillemens pour remedier à l’ en-
contre desdis adversaires, et que lesdis ambaxadeurs les puissent
veoir s' aucuns en y a.
Item, demander aux dessus princes, comment on se auroit a gou-
verner, se lesdis adversaires ne se osoient mettre avant pour ba-
taille, mais se retraisissent en villes et fortresses, et comment on
les porroit assegier et continuer les sièges et aussi avoir vivres, /
Item, avoir advis avec ceulx des dis pays de par dela qui de ce
ont congnoissance, quel monnoie tant d' or comme d' argent mon
dit seigneur et ses gens porroient porter par dela pour leur plus
grant pourfit, et en ce cas trouver aucun bon moyen avec les prin-
ces, pays et bonnes villes.
Item, que mon dit seigneur avec sa dicte ambaxade envoye au-
cuns gentishommes sages et congnoissans pour visiter deux ou
trois maniéres de chemin pour aller par dela, et meismement quelx
rivières et passages et quelx logis on trouveroit pour entrer és pays
des dis ennemis et visiter s'il y a riviéres, comment on trouveroit
navir, et s'il y fault aller à charroy, comment on en reconnera
et que cest chose soit bien et deuement visitee par les gens de
monseigneur sans ce qu'il s'en atende de rien aux gens du pays
et aussi qu'il se infourment à la verité, comment on trouveroit vivres
et comment l’ armee en poroit estre servie.
93
52b
532
