Francouzská Hussitica

This is where the footnotes go.

View options

Show: Formatting <lb> Images - Tags: Lemma

Javascript seems to be turned off, or there was a communication error. Turn on Javascript for more display options.

weisen, besunder lieben freunde! Ewr gutwillikeit, die ir czu vns habt, vnd ewrer verschreibung, die ir vns getan habt, wie es die kurfursten ieczund miteinander gelassen haben, dancken wir euch mit ganczem fleisse vnd lassen euch wissen, daz wir den Niclas Rosler, vnsern eytgenossen vnd mitpurger, czü vnserm gnedigen heren, dem künige, gesandt haben vnd der ist ieczo an der nehst- vergangen mitwochen von seinen gnaden komen, vnd hat in in Merhern gelassen vor Ostraw in dem velde, vnd die Vnger süllen kurtzlich czü seinem gnaden mit grossen volke vnd mit püchsen vnd anderm gerete komen. Auch hat sein gnaden, der herczog von Osterreich, verbotschaft, daz er schyer mit seinem volk auch zü im in daz velde komen, vnd vnsers herren gnade meynt, daz er es in Merhern wólle flihten, vnd wolle sich dann heraus machen gen Regenspurg czü dem tage, der von den kurfursten ist dahin gelegt worden.

Auch hat vns vnser eytgenoss gesagt, das vnsers herren volk: Vngern, Jassen, die mit seinen gnaden czu velde ligen, ein rennen mit den von Ostraw gemacht hetten, also daz sie der von Ostraw vil zü tod slugen vnd etlich in das wasser sprungen und ertruncken, daz man meynt, daz derselben veinde wol hündert erslagen vnd ertrunken sein, vnd daz hat einer von Ostraw gesagt, den sie in das here gefangen hetten.

Jeczund wissen wir auch nicht anders czü schreiben, daz nucz vnd trostlich wer, sunder gibt der almehtig Got ichts daz sol vnverschwigen bleiben. Czu Brux, an sant Philipp vnd Jacobi Tag.

Burgermeister vnd rate der stat czu Brüx.

Vnd euch solt der brief vor langest worden sein vnd wir hetten den vnsern mitburger einen geben, der heraus czu euch wolt sein geritten vnd ist daheim bliben, das es sich von des wegen also hat verczogen. Auch haben die vnsern von dem lantfride in Pilsner kreis vnd andern aygentlich vernomen, ob die vnsern nicht hinein czü in wern komen, so wer es mit demselben lantfrid vnd stetten Pilsner, Tachawer vnd Miser kreises gen den Hussen czu fride komen, vnd daz wer dann vnser vnd ander dewtschen landen gros scheden gewesen etc.

Souvěká kopie na papíře.

85