2 let. 1413 a 1414. 403
rechter Wissen vnser Eldisten vnsers Closters grossere Schuld vnd Scheden, domit
wir vnd dasselbe vnser Closter swerleich beladen sein czu uormeiden, recht vnd
redleich vorkauft vnd geben haben, vorkaufen vnd aufgeben in Craft dicz Briues den
erbern Paulo vnd Agnes Geswistrein, des Jaxss am Tendelmark Kindern, dem Got
genad, iren Erben vnd Nachkumlingen, czehen Schok guter Groschen prager Pfenning
jerleiches ewiges vnd freyes Czinses auf vnser Gut vnd Dorf genant Kochowycz vnd
auf alle seine Czugehorunge, vnd auch auf alle ander vnser Guter ob der Erden
vnd vnder der Erden, wo wir die haben ader wie die genant sein, vmb hundert
Schock guter Grosch. prager Müncze, die vns dieselben Kinder Paul vnd Agnes mit
bereytem Gelde gancz vnd gar gericht vnd beczalt haben, vnd die fürbas in das
egenante vnsers Closters czu Czedlicz Nucz vnd. Frumen gewant haben. Desselben
Czins ein Halfenteil, das sein fünf Schok Grossen der egenanten Müncze, schullen
wir vnd vnsere Nachkumlingen vnd sein schuldig czu richten vnd czu beczalen auf
sand Gallentage, der am nesten czukunftig wirt, vnd das ander Halbteil, das sein
auch fünf Schok Grossen der egenanten Müncze, auf sand Gurgentag, der am
schirsten dornoch kunftig wirt, an Hindernisse vnd an alles Widersprechen, vnd
furbas mer also jerleichen czu czinsen vnd czu richten auf dieselben Czinstege, als
Czinsesrecht ist, ewicleichen in czukünftigen Czeiten. Ydoch also bescheidenleich,
das die Dorfleut oder Gepawern des egenanten Dorfes oder Gutes czu Kothowicz
[sic], die yeczunt sein, oder in Czeiten werden mochten, in vnsern Namen ader
an vnser Stat schullen vnd schuldig sein den egenanten Paul vnd Agnes, iren Erben
vnd Nachkumlingen, den oftgenanten Czins, das ist czehen Schok guter Groschen
der oftgenanten Müncze, richten vnd beczahlen auf die oftgenante Czinstege an
Argelist bey guten Treuen.
Wer aber sach, das wir oder vnser Nachkumlinge oder die obgenanten Dorf-
lewt oder Pawern an vnser Stat an der Beczalung des oftgenanten Czinses saumig
wurden, vnd den czu seinen rechten gewonleichen Czinstegen nicht beczalten, als
oben geschriben stet, auf welchen Czinstag das geschehe, da Got fur sey, so mugen
der oftgenante Paul vnd Agnes, ire Erben vnd Nachkumlingen, manen vnsern
Bursner, der yeczunt ist oder in Czeiten wirt, vmb iren vorsessen Czins, vnd ab in
vnd iren Erben oder Nachkumlingen irer Czins nicht mocht wideruaren von vnserm
Bursner, so schol nach virczehen Tagen eynes yczleichen Czinstages auf yedes Schok
sechs Groschen rechter Czins-Pusse geen vnd wachssen.
Vnd ab wir oder vnser Nachkumlingen aber noch virczehen Tagen, dy am
Schirsten dornoch volgen, iren Czins mitsampt den Scheden, di dorauf gangen weren,
nicht beczalten, so schullen vnd mügen di vilgenanten Paul vnd Agnes, ire Erben
vnd Nachkumlingen, noch vir Wochen eines iczleichen Czinstages vnd den vorsessen
vnd vnuorgolden Czins mitsampt den Scheden, di dorauf gangen weren, auf den-
51*
