2 roku 1400. 393
comoditatis suauitate, pacis et tranquillitatis dulcedine senserint se munitos, quia nisi
in pacis tempore bene colitur pacis auctor.
Sane religiosorum abbatis et conuentus monasterii beate Marie virginis ad
Gratiam in Scalicz, Pragensis diocesis ordinis Cisterciensis, deuotorum nostrorum
dilectorum, humilibus supplicacionibus inclinati, ipsos et monasterium ipsorum in
eapite et in membris, nec non familiam et familiares homines et subditos dicti mona-
sterii vna cum prediis, possessionibus, villis, curiis, ac omnibus et singulis suis cen-
sibus, redditibus, prouentibus, vtilitatibus, agris cultis et incultis, terris, siluis, nemo-
ribus, rubetis, pascuis, pratis, fluuiis, riuulis, aquis et aquarum decursibus, molen-
dinis, piscinis, lacubus, piscariis, piscacionibus, venacionibus, aucupacionibus, judiciis,
fructibus, juribus, dominiis et pertinenciis suis vniuersis, quibuscumque vocabulis
specialibus possint designari, et quocumque nomine censeantur aut vbicumque in
regno nostro Boemie poterint inueniri, non per errorem aut inprouide, sed matura
deliberacione prehabita, sano principum, baronum, nobilium et aliorum fidelium no-
strorum accedente consilio et ex certa sciencia, in nostram et successorum nostrorum
regum Boemie defensionem, tuicionem et proteccionem sumpsimus, accepimus et
tenore presencium auctoritate regia Boemie recipimus graciosius et acceptamus.
Ceterum de innata nobis benignitatis clemencia et vt dictum monasterium in
suis structuris et edificiis eo forcius et felicius terminetur, ad cuius perfeccionem
debitam totis viribus anhelamus, ac eciam vt per nos desideriis paternis laudabiliter
satisfiat, prescriptos abbatem, conuentum et monasterium Skalicense cum hominibus,
bonis et juribus vniuersis et singulis ab omnibus bernis, contribucionibus, inposicio-
nibus, muneribus, angariis, perangariis, exaccionibus, stewris, expedicionibus, vecturis,
talliis, collectis, subsidiis, oneribus et quibuscumque aliis grauaminibus, realibus,
personalibus, siuc mixtis, quibus ceteri religiosi regni nostri Boemie dare et persol-
uere sunt astricti, vsque ad viginti annos a die date presencium continue computandos,
pro nobis et successoribus nostris regibus Boemie exemimus, absoluimus, libertauimus
et tenore presencium auctoritate regia Boemie suprascripta eciam de certa nostra
sciencia eximimus, absoluimus et libertamus; decernentes et hoc regio Boemie sta-
tuentes edicto, quod ipsum monasterium cum hominibus, bonis, juribus et pertinenciis
suis ab vniuersis et singulis bernis, contribucionibus et oneribus suprascriptis, quibus-
cumque vocabulis uel nominibus solent uel possunt nominari, per dictum tempus
viginti annorum inmune sit, liberum penitus et exemptum. Volumus tamen nichilo-
minus, vt abbas et conuentus monasterii Skalicensis predicti bernas et stewras con-
suetas ab hominibus et subditis suis exigere possint et valeant pro structura et
perfeccione edificiorum ipsius monasterii libere conuertendas.
Inhibemus igitur vniuersis et singulis officialibus regni nostri Boemie, et
signanter subcamerario, qui nunc sunt uel pro tempore fuerint, presentibus firmiter
Archiv Český XIV. 50
