388 C. XIX. Listiny klásterà Sedleckého a Skalického
racionis affectum, quibus ipse eternam felicitatem prouisione digna prospiciens, mo-
nasterium in Scalicz, quod sub decoro nomine beate Virginis, videlicet ad Graciam
sancte Marie intitulatum fore dinoscitur, ordinis Cysterciensis Pragensis dyocesis, de
rebus suis magno labore et multe diligencie cura longo temporis spacio conquisitis
rite fundauit; habito eciam respectu ad intime sue deuocionis flagranciam, qua ipse
regnum nostrum Boemie attenta et inconuulsa fide prosequitur, vt illud ereccione
tante structure et magnificacione salutis, que in diuinis ibidem laudibus absque dubi-
tacione consurgit, sic virtuosi sicque industriosi animi solerti studio decreuerit hono-
rare; animo deliberato, non per errorem aut improuide, sed sano principum, baronum ac
procerum nostrorum accedente consilio, decernimus ef nostra, nec non heredum et succes-
sorum nostrorum regum Doemie vice et nomine, auctoritate regia Boemie declaramus,
quod prefatum monasterium, abbas, conuentus et successores eorum, nec non
homines utriusque sexus, granicie, predia, ville, possessiones et bona eiusdem mona-
sterii cum omnibus suis pertinenciis, in quorum seu quarum possessione fuerunt ac-
tenus, sunt de presenti aut fuerint in futurum, quibuscumque specialibus nominibus
valeant seu eciam consueuerint appellari, ab omni solucione berne regalis occasione
coronandorum regum, seu desponsandorum heredum regni, aut ex maritagio filiarum
regalium, reginarum coronacione, seu quibuscumque aliis titulis, modis et condicio-
nibus, jure uel consuetudine indicta seu proclamata fuerint, et a prestacione delen-
cialium, juris pignoracionis et omni onere, quod ab ipsa berna pendere censetur, et
ab omnibus aliis prestacionibus, steuris, collectis, vecturis, robotis, muneribus, angariis
publicis uel priuatis, que monasteriis jure uel facto ad regum voluntatem consueuerunt
imponi, et nominatim a donacione dextrarii, quem abbates regni nostri in eleccionis
sue primordiis soliti sunt Boemie regibus erogare, et a recepcione seu hospitacione
principum, baronum, nobilium, seu quorumlibet aliorum hospitum, cuiuscumque eciam
status, gradus, dignitatis seu condicionis existant, eciam si eos in expedicione regni
uel alias pro regum et corone Boemie profectu et honore vocatos et de singulari
mandato ibidem transire contingat, sint et esse debeant exempti, immunes et liberi
et perpetuis inantea temporibus absoluti.
Supplentes omnem defectum, si quis obscuritate seu dubitacione verborum et
sentenciarum seu quouis alio modo in premissis compertus fuerit, de plenitudine im-
peratorie potestatis; non obstantibus quibuscumque regum, regni et corone Doemie,
principum, baronum et procerum eius priuilegiis, juribus, obseruanciis, consuetudinibus
siuc graciis, eciam si usu utencium approbata siue approbate sint actenus. Quibus
omnibus, si et in quantum premissis, in toto seu in parte, aduersari censentur,
auctoritate cesarea et de imperialis potestatis plenitudine, nec non singulari auctori-
tate regia Boemie, non dolo circumuenti aut seduccione quacumque, sed de certa
sciencia derogamus. Nulli ergo hominum liceat, hanc nostre exempcionis, libertacionis,
