490
vanknuzz und des gelts, das er in verpurgt und noch nicht bezalt hat, so sullen sie ledig
und los sein.
Denn umb alle die scheden, die die vom Newnhaus und die iren Jörgen von
Walsse und der herschaft ze Drosendorf habent getan, und umb alle die scheden, die
derselb von Walsse und die seinen und auch die leut in derselben herschaft den vom
Newnhaus.und den iren getan habent, sprechen wir, daz die gen einander gleich sullen
absein und daz ein teil gen den andern darumb hinfür nichts sol ze sprechen haben und
sollen darauf mit einander gui freund sein.
Denn umb alle die angriff und scheden, die die vom Newnhaus und die iren dem
Kreyger und den seinen getan habent, und er red, die seinen in hinwider habent getan,
sprechen: wir, daz die gleich gen einander sullen absein und daz ein teil hincz dem
andern darumb hinfür nichts sol ze sprechen haben und sullen darauf mit einander gut
freund sein.
Item, als sich denn der Kreyger erklagt von neur maut und aufsecz wegen, die
die egenanten vom Newnhaus gen im sullen getan haben, sprechen wir: was solcher neuer
aufsecz sein, daz die genczleich sullen absein, und daz jeder teil hinfür beleib, als von
aller ist herkomen.
Ilem, als sich denn derselb Kreyger erklagt, wie die vom Newnhaus sich ettleicher
seiner leut und güter haben unterwunden und die aufgenommen, sprechen wir, daz die
der Kreyger hincz den vom Newnhaus wol mag vordern und suchen, und die vom
Newnhaus sullen im darumb fürderleich das recht lassen widervaren nach dem landesrechten
ze Beheim. i
Auch sprechen wir, daz all gevangen, die die vom Newnhaus -oder die iren dem
Kreyger und den seinen gevangen habent, oder die der Kreyger und die seinen dem vom
Newnhaus oder den iren habenl gevangen, daz die auf beiden teiln gancz und gar an alle
schaczung ledig und los sein sullen; worumb aber die gevangen hetten abgedingt und wie
sie das habenl vergwisst mit briefen, purgen oder sust, das noch nicht ist bezalt, des sullen
sie ir brief und ir purgen auch gancz und gar ledig und los sein.
Denn umb alle die angriff und scheden, die die vom Newnhaus und die iren den
von Tyerna und den iren gelan habent, und die die von Tierna und die iren den vom Newn-
haus und den iren habent getan, sprechen wir, daz die gleich sullen gen einander absein und
daz ein teil mit dem andern darumben in übel hinfür nichts sol ze schalfen haben in dhein
weis, und daz sie darauf mil einander gut freund sein.
Auch sprechen wir, daz all gevangen, die die vom Newnhaus oder die iren den
von Tyerna und den iren gevangen habent, oder die die von Tyerna und die iren den vom
Newnhaus oder den iren habent gevangen, daz die gen einander auf beiden leiln an alle
schaczung ledig und los sein sullen; warumb aber die gevangen hetten abgetaidingt, und
wie sie das habent vergwisst mit briefen, purgen oder sust, und das noch nicht ist bezalt,
des sullen die gevangen und ir brief und purgen auch gancz und gar ledig und los sein.
Denn, umb alle die angriff und scheden, die der Pergawer, Ernst, Ortolf und
