287
oberiste camerer, Hinke Berka von Hoenstein, der auch der oberiste zaudner sein sal,
hern Brzenken von Skal, der hofrichter sein sal, Benesch von der Duben, der hofmeister
sein sal, Smyl genant Flaschka von Reichenburg lantschreiber sein sal, Otto Bergaw von
Byelyna, Johans von Michelsperg, Boczko von Podiebrad, Borsche von Risenburg der
older. Mit der bischoffe und herren rate der egenante unser bruder des kuningreichs sachen
ustragen sal, und mag ouch anderr herren, die im und dem lande niicze sein, in seinen
rat nemen zu den egenanten, und sal ouch von den egenanten ampten keinen herren ent-
setzen und nichtes tun in den sachen, die das landt antreten, an rate der egenanten bischoffe
und herren und ouch der, die der egenant kuning zu Behem dorzu wirdet nemen, als
obgeschriben steet. Auch sprechen wir, das alle guter und vesten, der man sich under-
wunden hat an recht und ouch sust, wes man sich in diesem krige mit gewalt underwunden
hat, das man die widergeben sal den, den man sich underwunden hat, zwischen diesem
nechsten heiligthum. Were aber, das iemand dogegen kein (sic) widerrede hette, der sal das zu
dem nechsten heiligthum vor den lantherren beweisen; so sullen ouch die lantherren zu
dem nechsten heiligthum zu rechte siczeu, und die lanttoffel sal man ufftun, und sal in
steten und kreisen ruffen, wer für dem rechten zu schaffen helle, das iederman dohin
queme; do sullen die herren das rechte teilen, und was sie also teilen und das recht also
ussprechen, als landes recht ist, das sal also gehalden werden. Ouch sprechen wir us,
das die glübde von den herren, steten, klostern in allen gebiten fur sich geen und geend
werden, als es iczundt hie zu Prage ist gescheen, das der egenant kuning seine boten
und brieffe sende, und die lantherren dohin in die kreisse und gebite reiten, und glubde
von in ufnemen sullen. Ouch sprechen wir us, das in allen steten und kreissen fride
gerulfet werde, und das man nimandes beschedigen sal; were aber, das imandt schaden
tete und raubte, das denn das gen den gebessert werde von den lantrichtern, die
dorzu gesetzet werden, als das von alders ist gewesen. Auch sprechen wir us, ob
imandt der hern, diner oder helffer in des egenanten kuninges steten geschriben weren
von des kriges wegen, das die wider usgeschriben werden und wider gefreiet in den-
selben steten, es werr denn, das sich von neues imands ichtes vorwürkte, und das das
geruffet werde in allen steten und kreisen. Ouch sprechen wir us umb die munze des
Behemischen grossen, das ein mark feines silbers gemunzet sal werden zu achczig grossen,
also das dieselben achczig grossen haben sullen ein mark feines lauters silbers an der wage
und werung. Wer aber, das das bergwerh gebessert würde, so sullen die grossen auch
gebessert werden, dornach als sich das bergwerk gebessert, und das sal zwischen hin und
sand Michels tag gescheen, und das sal der egenant unser bruder den egenanten lantherren
mit brieffen vorgewissen in.aller masze, als es in vormals unser beider vater und ouch er
vorgewisset haben. Ouch sprechen wir us umb die herren, die man kmeten nennet, die
do ieczundt sein und gesworen haben, das dieselben siczen am rechten mitsampt andern
herren, die dorzu gehoren, und sullen teilen als ein recht ist; und was sie auch richten
und teilen, das das vorgang habe. Ouch sprechen wir us, was von dieses kriges wegen
zugriffe und name von beiden teilen geschen sei iren dinern und helffern, das das beiderseit
