69

282

reverenter intendunt, dum hi humiliter subsunt et illi benigne presunt, dum congruis illi preeunt iussibus et deuotis isti animis obseguuntur, viget ex hoc in eisdem populis concordium unitas animorum, misericordia et veritas sibi obuiant, et iustitia et pax se ad inuicem complectuntur. Ideo namque a summo illo rege, per quem singuli reges regnant et principes principantur, temporalis gladii ad malorum vindictam laudemque bonorum terrenis est regibus attributa potestas, ut assumpto ab eis dominandi officio iudicent in equitate populos et dirigant in terris subiectas sibi gentium nationes, quatenus sit voluntas eorum in executione iustitie ac meditatio in lege rectitudinis et obseruantia sancte pacis. Ad que utique perfectius exercenda iidem reges unctionis sacre virtute, quam per vene- rabiles Christi ministros antiquo more suscipiunt, donum gratie recipiunt potioris, ut et in prosecutione iusti regiminis fortius conualescant, et tam in se quam in eorum subditis prudentiori et sanctiori spiritu. dirigantur. Nom etsi differat principis unctio a pontificis unctione, quia in capite ponti- fex ungitur, princeps autem in brachio siue humero vel in armo, in quibus principatus congrue designatur, quia etiam illius caput consecratur. cris- mate, brachium vero istius oleo delinitur: vehemens tamen est in ipsis regibus huius efficacia sacramenti, quoniam inuncto Saule insiliit spiritus domini super eum et in virum alterum est mutatus, et in David unctione suscepía spiritus domini est directus; ad insinuandum quoque quod in re- gibus esse debeat plenitudo virtutum, quodque in eis est integra dominii temporalis auctoritas, capiti principis honorabile ac venerabile sub circu- lari forma imponitur diadema; a quo siquidem principe; qui talibus decoratur insigniis et titulis presignitur, tamquam a capite subditis velut membris recte vivendi modus indicitur et modestie regula componitur et dictatur. Sane carissimus in Christo filius noster . . J/lustris Rew Boemie, deuo- tissimus ecclesie filius, premissa veluti princeps catholicus diligenter atten- dens, ac sperans per huiusmodi unctionem spiritualis gratie rore perfundi, nobis humiliter supplicauit, ut cum progenitores sui reges Boemie inuncti et coronati in reges extiterint per archiepiscopos Maguntinos, qui fuere pro tempore, ac ipse per dilectum filium . . Maguntinum electum pro eo, quod nondum est eius electio per Sedem apostolicam confirmari (sic), inungi et coronari non possit, eum in regem inungi et regale diadema