69

273

CCLXXXII.

Bruno, episcopus Olomucensis, decisa life jus patronatus ecclesiae s. Petri Brunae monasterio Tisiowicensi confirmat, et expensas resarcit. Dt. in Modřice, in die b. Michaélis, 1259.

Bruno dei gracia Olumecensis Episcopus dilectis in Christo . . Abbatisse et conuentui Sanctimonialium in Tusnowiz ordinis Cisterciensis nostre diocesis salutem. et sinceram in domino caritatem. Cum a nobis petitur quod iustum est et honestum, in quo potestatem habere uidemur ordinariam tam uigor equitatis, quam ordo exigit rationis. ut id per officii nostri sollicitudinem ad effectum debitum perducatur. Cum igitur sicut uestra nobis porrecta peticio continebat, Inclitus dominus noster bone memorie dominus Wenceslaus Rex boemorum illustris Iuspatronatus quod in Ecclesia sancti Petri de Brunna nostre diocesis habuisse dinoscitur, vobis et Mo- nasterio vestro sicut per ipsius ostendistis litteras inde cofectas pia libera- litate contulerit ac ipse postmodum contra huiusmodi collationem de facto ueniens dilectum in Christo Albertum eiusdem ecclesie nunc rectorem Ius- patronatus usurpando sibi ad eandem ecclesiam presentarit, suusque filius Magnificus dominus noster Premizl Dominus Regni Boemie, Dux Austrie ac Marchio Morauie, inter uos et prefatum Albertum per arbitros concor- diam faciens quemadmodum in ipsius exprimitur litteris patrisque sui factum gratum habens et ratum, [uspatronatus eiusdem ecclesie sancti Petri de Brunna pium erga uos et monasterium uestrum liberalitatis gerens zelum, in vos iterum duxerit transferendum. Nos vestris deuotis suppli- cacionibus inclinati dictique domini nostri factum pium et prouidum com- mendantes in domino, et consensum nostrum fauorabiliter adhibentes Ius presentandi ad eandem ecclesiam sancti Petri de Brunna nostro et suc- cessorum nostrorum ac Archidiaconi loci qui pro tempore fuerit iure saluo vobis et per uos Monasterio vestro auctoritate ordinaria confirmamus. sub interminatione anatematis inhibentes ne quis hanc nostram confirmacionem presumat infringere, vel ei ausu temerario contraire. Ceterum quia circa personas in Monasterio vestro ad dei seruicium dedicatas expense plurime requiruntur in quibus sicut vestra nobis patefecit insinuatio defectum con- tingit aliquociens uos habere, supplicastis etiam humiliter nobis vt de prouentibus ipsius ecclesie sancti Petri in Brunna in subsidium expensarum

35