69

239

vestra firmam in domino fiduciam obtinemus, vos tamquam inter alios pre- electos, in eisdem partibus ad instantiam prefati Regis ad hoc duximus deputandos, discretioni vestre per apostolica scripta districte precipiendo mandantes, ac in remissionem vobis peccaminum iniungentes, quatenus in charitate dei, hominum timore posíposito, virtutem spiritus induentes ex alto, inquisitionis officium contra hereticos ad exstirpandam de predictis partibus hereticam prauitatem sub spe mercedis eterne totis assumentes affectibus sic efficaciter prosequi studeatis, ut per sollicitudinis vestre pru- dentiam de ipsis radix iniquitatis heretice succidatur, et vinea domini ex- terminatis vulpeculis, que peruersis moribus demoliuntur eandem, fructus afferat catholice puritatis; facientes vobis quaternos et alia scripta, in qui- bus inquisitiones facte contra hereticos et processus contra ipsos habiti continentur, a quibuslibet detentoribus assignari. Si quos autem de pra- uitate predicta culpabiles inueneritis vel infectos seu etiam infamatos, contra ipsos, nisi examinati absolute velint mandatis ecclesie obedire, nec non et receptatores, defensores et fautores eorum, iuxta sanctiones canonicas auctoritate apostolica, hominum metu diuino timori postposito, procedere procuretis, inuocato ad hec si opus fuerit auxilio brachii secularis. Contra- dictores etc. Non obstantibus aliquibus literis ad quoscunque alios, ex- ceptis locorum diocesanis super huiusmodi negotio ab apostolica Sede di- rectis, quas auctoritate presentium reuocamus. Nec tamen pretextu comis- sionis specialiter eisdem diocesanis super hec facte processum vestrum in eorundem ciuitatibus et diocesibus volumus impediri, nec per hoc, quod fidei negotium generaliter in eisdem vobis committimus, commissiones a pre- fata Sede ipsis factas, si forsan illarum vel ordinaria velint auctoritate pro- cedere, intendimus reuocare. Si vero aliqui ex hereticis ipsis heretica labe penitus abiurata, redire voluerint ad ecclesie unitatem, eis iuxta formam ecclesie absolutionis beneficium impendentes, iniungatis eisdem, quod iniungi íalibus consueuit; prouiso solerter, ne simulata conuersione redeant frau- dulenter, et vos imo potius se ipsos fallentes, sub agni specie gerant lupum. Ut ergo commissi vobis officii debitum libentius exequamini, com- mittendi citationes, testium examinationes, cum de predicto crimine ac ipsius circumstantiis duxeritis inquirendum et sententiarum denuntiationes, quas in quoslibet hac de causa tuleritis, plenam vobis concedimus facultatem;