69

233

crismatis oleo, tuoque imponi capiti regum diadema. Sed tu sicut ad audien- liam nostram non sine cordis turbatione peruenit, tam spiritualium quam temporalium beneficiorum ipsius ecclesie immeinor, tanteque gratie prorsus ingratus, prestiti iuramenti religione contempta id quod circa obedientiam eiusdem ecclesie ac predicte obseruationem fidei promisisse dinosceris ob- seruare postmodum non curasti in anime tue periculum, ipsius iniuriam fidei, ecclesie predicte contemptum et opprobrium Iesu Christi. Super quo lanto vehementius contristamur, quanto feruentius super omnia cordis nostri desiderabilia cupimus, ut cultus eiusdem fidei per orbem longius latiusque diffusus continuum auctore domino suscipiat incrementum. Volentes igitur apostolicis apud te super hoc insistere monitis, et ad veritatem que Christus est paternis te persuasionibus reuocare, ac sperantes quod te grauiter contra deum et eius ecclesiam deliquisse considerans condigne peniteas et errorem tuum corrigere studeas per te ipsum, Magnitudinem tuam mo- uendam duximus attentius et hortandam, quatenus ad tuam memoriam reuo- cans, quanto studio quantaque sollicitudine circa exaltationem tuam Sedes apostolica laborauit, considerans etiam quod non ecclesiam, sed te ipsum decipis, tuum in hac parte promissum damnabiliter non seruando, perditionis viam, qua graderis, non differas abiurare, et id quod de ipsius obseruatione fidei et predicte ecclesie obedientia iuramento prestito promisisti, inuiola- biliter obseruare procures, ita quod nos tuorum laudabilium operum odore percepto, multa exinde perfusi letitia, dulcia ipsius ecclesie ubera, que copiose dudum in multorum beneficiorum perceptione suxisti, tibi tuis exi- gentibus meritis affectuosius porrigamus. Alioquin venerabilibus fratribus nostris .. Olomucensi et Wratislauiensi episcopis literis nostris iniungimus, ut te ad id per censuram ecclesiasticam appellatione remota compellant; inuocato nichilominus contra te auxilio brachii secularis, non obstantibus aliquibus literis apostolicis cuiuscunque tenoris existant, per quas effectus presentium impediri valeat vel differri, et constitutione de duobus dictis edita in concilio generali. Dat. Laterani, Idus Februarii. Pontificatus nostri anno tertio.

Ibidem — epistola 110.

30