193
CCXVIII.
Robertus, abbas Gradicensis, silvam inter Knjnice ( Künilz) et Strelice
interjacentem in lite cum fratribus de Waian obtinet. Dt. in castro Olo-
mucensi, pridie Idus Augusti, 1255.
Notum sit Christi fidelibus uniuersis, presentem paginam inspecturis,
quod ego Robertus, diuina prouidentia abbas ecclesie Gradicensis, super
silua, que est inter Knynicz et St‘elech, quam filii Pachonis Zdeslaus,
Wilastibor, Bichay, Zalud, et filius Zdan, Hodislaus, et Gotthardus, filius
Cratess, omnes de Wasan, occupatam in preiudicium ecclesie mee tenebant,
domino concedente iustitiam obtinui contra ipsos tali modo: Anno dominice
incarnationis M. CC. LV. pridie idus Augusti, presidentibus domino Pardo
camerario, Egidio, castellano Olomucensi, et Zkudemiro camerario Breti-
slauiensis prouincie, et Smilone, castellano Prerouiensi, in persona domini
Premisl, illustris principis Boémie et Morauie, in castro Olomucensi iudicio
generali, stans ego coram ipsis, petii Dominum Andream de Richcouicz
mihi dari ab ipsis in prolocutorem et aduocatum, qui uice mea uerbum
meum coram ipsis conquerendo proposuit in' hunc modum: Conqueritur
uobis, domine Pardus, et uestris collegis, qui in persona domini Premisl,
illustris principis Boemie et. Morauie, hic nunc iudicio presidetis, dominus
Robertus, abbas Gradicensis, quod, cum siluam ecclesie sue pertinentem,
que est inter Knynicz et Strielech, cum metis uille Strielech predecessores
ipsius Pachoni, Zdan et Cratess de Wazian pro seruitiis ipsorum con-
cesserint ad tempus; modo filii ipsorum Hodislaus et alii supranominati
eam sibi usurpantes uendicant, et tenent uiolenter occupatam, nec de ea
cedere, quamuis moniti, uelint. Quare dominus Robertus abbas super id
sibi et ecclesie sue iustitiam fieri postulat coram uobis, sicut iam antea
sepius postulauit. Ipsi uero accepto aduocato suo, nomine de Scherbein,
responderunt, quod eadem sylua ipsorum sit hereditas. Tandem assesso-
ribus, uiris nobilibus et discretis, et his, qui iudicio presidebant, inter-
loquentibus, sum ab ipsis interrogatus, si testes possem producere contra
predictos: dixi, quod possem; et in instanti produxi nobiles uiros Welen
et Emmerammum, filios Lamberti de Bozcouicz, Zdizlaum de Bistricz, Crssek
de Probicz, Budislaum et fratrem ipsius Wisseborium de Raycz, Svato-
25
