69

102

ea filiis procreatis, non possit inter eos absque multorum scandalo diuortium celebrari: prouidere ipsorum in hac parte saluti misericorditer curaremus. Mandamus itaque, quatenus si est ita, cum eisdem M. et L. ut licite pos- sint in sic contracto matrimonio remanere, gradu huiusmodi non obstante, auctoritate nostra dispenses. Datum Lugduni, IIL Idus Decembris.

Pontificatus nostri anno sexto.

Ex eodem Regesto — epist. 250.

CXXXIV.

Bruno, episcopus Olomucensis, monasterio Cellae sanctae Mariae Brunae indulgentias elargitur. 1248.

Bruno dei gratia Olomucensis episcopus. vniuersis Christi fidelibus presentem paginam inspecturis salutem in omnium saluatore. Cum proh dolor. propter pronitatem malicie ab adolescentia omnis caro fere per peccata uiam suam corruperit. nisi dominus ad patriam uere tendentibus tabulam post naufragium reliquisset penitentiam iam non saluus fieret omnis homo. Quia igitur saluator omnium homo deus totius gratie et solatii

multifariam olim loquens patribus in prophetis sermone in prophetico pec-

cata elemosinis facit redimere. sciens eternus ab eterno quod hiis datis munda sunt omnia. dilectionem uestram presentibus rogamus amonemus et exhortamur in domino in remissionem peccatorum iniungens. quatinus in salutem uiuorum et mortuorum circa feminas religiosas de domo nouella Celle sancle Marie in Brunna. misericordie intendatis operibus et eis pro quantitate facultatum uestrarum elemosinas porrigatis ut per uos possint perficere monasterium inchoatum ad conditoris gloriam. et uos de mamona uite presentis in obitu uestro in eterna recipiamini tabernacula beatorum. Nos uero cognoscentes quod sicut aqua ignem ita peccatum extinguit elemosina. de omnipotentis misericordia omnibus qui predictis dominabus et domui in quocunque subuenerint triginta dies indulgentie erogamus. Datum anno gratie ab incarnatione domini MCCXLVII. ; Pontificatus nostri anno primo.

Ex originali in archivo S. J. Brunensis,