69

333

prouide de sue potestatis plenitudine circa quosdam. Ex parte siquidem tua fuit propositum coram nobis, quod olim nobilis mulier Margareta quon- dam Romanorum Regina in prouinciali capitulo fratrum predicatorum apud Treuerim congregato solemni voto castitatis emisso, ordinem sororum secundum instituta fratrum predictorum viuentium se seruaturam, ac obedien- tiam in manibus H. tunc in Alamannia prioris prouincialis eorundem fratrum predicatorum promittens, habitum ibidem religionis assumpsit, et tandem ad monasterium sororum S. Marci Herbipolensis secundum instituta predicta viuentium, cuius curam et regimen prior ipse gerebat se transferens, per annum et amplius sub eodem habitu in dicto monasterio moram traxit. Cum qua postmodum de facto matrimonium conítraxisti, ei aliquamdiu coha- bitans ut uxori. Demum vero tam tu, quam dicta nobilis attendentes, quod non poteratis in prefato matrimonio, quod nullum erat, sine proprie salutis inte- ritu remanere, voluistis abinuicem separari, alterutro ab altero diuertente. Que quidem omnia in literis plurium episcoporum illarum partium et pre- dicte nobilis, que propter hoc ad Sedem apostolicam certum nuntium desti- nauit, et alias etiam existens libera, hoc sponte confessa extitit, continentur. Quidam quoque religiosi et alii de dictis partibus apud Sedem existentes eandem, asseruerunt eadam esse vera. "Tuque carissimam in Christo filiam nostram Kunigundim illustrem reginam Boemie, neptem carissimi in Christo filii nostri . . Regis Ungarie illustris tibi matrimonialiter copulasti, que tibi quarto consanguinitatis et tertio affinitatis gradibus est coniuncta. Cum autem Sicut accepimus ex persistentia matrimonii taliter inter te et dictam Kuni- gundim contracti pax in Ungarie atque Boemie regnis et aliis vicinis prouinciis conseruetur, ac fideles illarum partium roborentur ad resisten- dum perfidie 'T'artarorum, nec non aliis hostibus fidei Christiane, multo- rumque liberatio, qui alias subiicerentur perpetue seruituti ac plures alie utilitates prouenire noscantur: nos his et aliis premissis diligenter pensatis, denuntiamus veris existentibus supradictis matrimonium quod ut predictum est tu et dicta nobilis contraxistis ad inuicem non tenere, ac tuis et prefati regis apostolicam super hoc gratiam implorantis supplicationibus inclinati, ut non obstante impedimento, quod ex huiusmodi consanguinitate ac affini- tate prouenit, tu dictaque Kunigundis in predicto matrimonio contracto inter vos possitis licite remanere, vobiscum auctoritate apostolica dispensamus.