69

309

CCCXX.

Urbanus papa IV. eximit religiosos ordinis s. Sepulchri de Zderaz eorum- que ecclesias a jurisdiclione episcopi Olomucensis. DI. Viterbii, VI. Kal. Maji, 1261.

Urbanus episcopus seruus seruorum dei. Dilectis filiis . . . Pre- posito, et fratribus domus Dominici Sepulchri de Sderaz ordinis Sancti Augustini Pragensis diocesis salutem et apostolicam bendiccionem. Pro re delectabili et iocunda ducimus, ut cum loca diuino dicata cultui ex potestate nobis diuinitus attributa multipliciter honorare possimus, sanctam Ierosolimitanam ecclesiam, et uniuersa loca subdita sibi, de cuius regimine, licet immeriti, fuimus ad apostolice dignitatis fastigium euocati, graciosi fauoris munere prosequamur. Sane peticio vestra nobis exhibita continebat, quod licet in ecclesiis, quas in Olomucensis civitate ac. diocesi obtinetis, per fratres domus vestre presbyteros consueueritis a tempore, cuius non existit memoria, facere seruiri. Venerabilis tamen frater noster Olomu- censis episcopus vos super hoc interdum molestat, pro sue libitu voluntatis in vestrum, ac eiusdem domus preiudicium, et ipsius ecclesie Ierosolimitane, ad quam prefata domus pleno iure pertinet, non modicum detrimentum. Quia vero iam dicta ecclesia cum omnibus suis membris ad Romanam ecclesiam nullo pertinet mediante, nos ipsam volentes plena exempcionis libertate gaudere, ut in dictis ecclesiis sicut hactenus, sic et in posterum per huiusmodi fratres possitis facere deseruiri, non obstante contradiccione temeraria prefati Episcopi, vobis auctoritate presencium indulgemus. Sen- tencias autem suspensionis, aut interdicti, vel excommunicacionis, si que propter hoc in vos, vel aliquem vestrum per eundem episcopum, aut alium de mandato eius promulgate fuerint, ex nunc decernimus irritas, et inanes. Nulli ergo omnino hominum liceat hanc paginam nostre concessionis, et constitutionis infringere, vel ei ausu temerario contraire. Si quis autem hoc attemptare presumpserit, indignacionem omnipotentis dei, et beatorum Petri et Pauli apostolorum eius se nouerit incursurum. Datum Viterbii VI. Kalendas Maii. Pontificatus nostri anno primo.

Dobner — Monumenta IV. 267.