63

245

ratum. Actum apud Burglinum Anno Domini millesimo ducentesimo quin- quagesimo octauo datum per manus magistrorum Arnoldi et Vlrici tunc Prothonotariorum nostrorum VIII. Ydus Augusti.

E confirmatione Joannis marchionis Moraviae de anno 1351. cujus originale in archivo ejusdem civitatis servatur, communicavit Prof. Sembera.

XXX.

Alexander papa confirmal literas Otakari de anno 1252. ocíauo Idus Juni ecclesiae sancti Hippolyti ad Znoymam circa. diversas libertates da- tas. Datum Anagniae Kalendis Maji. 1959.

Alexander Episcopus Seruus Seruorum Dei Dilectis filiis Magistro et fratribus Sancti Francisci Pragensis ordinis Sancti Augustini ad Ro- manam ecclesiam nullo medio pertinentibus salutem et apostolicam bene- diccionem. Cum a Nobis petitur quod iustum est, et honestum tam uigor equitatis, quam ordo exigit rationis, vt id per sollicitudinem officij nostri ad debitum perducatur effectum. Exhibita siquidem nobis vestra petitio continebat quod Nobilis Vir Ottokarus Dux Austrie, et Styrie, ac Marchio Morauie quasdam libertates, et exemptiones secularium exactionum, ac non- nullos redditus, et quedam alia Jura, tam hospitali vestro, quam Sancti Hippolyti in Gradicz circa Znoymam, nec non quibusdam aliis ecclesiis, ac eciam castris, villis et hominibus ad dictum hospitale spectantibus infra terminos dominii dicti nobilis existentibus sicut spectabat ad eum pia, et prouida liberalitate concessit prout in literis suis confectis exinde ac eius sigillis signatis plenius continetur. Nos itaque vestris supplicationibus In- clinati, quod super his ab eodem nobili pie ac prouide factum est ratum, et firmum habentes id auctoritate apostolica confirmamus, et presentis scripti patrocinio communimus, tenorem autem litterarum ipsarum de verbo ad ver- bum presentibus fecimus annotari, qui talis est: In nomine Domini nostri Amen. Nos Otacharus qui et Premizl dei gracia Dux austrie, Stirie, et Marchio Morauie. Vniuersis Christi fidelibus imperpetuum. Cum inuicti Regis filius Jesus etc. usque: Actum et Datum apud Znoym. Anno domini MCCLiII. octauo Idus Junij vndecime Indictionis. Vide 'Г. Ш.