63

154

CL.

Wenceslaus, rex Boëmiae et Poloniae, confirmat fundationem Wernheri, canonici Olomucensis, praebendae canonicatus in Suchonice et Hlusowice et vicariam in Lucka. Dto. Pragae X. Kalend. Junii 1303.

Nos Wencezlaus, dei gracia Boemie et Polonie Rex, notum faci- mus vniuersis, presentes litteras inspecturis, quod, cum magister Wern- herus, Pragensis et Olomucensis canonicus, uillam dictam Suchouicz in qua sex tantum marce argenti in censu esse dicuntur, et in uilla dicta Hluschouicz vnam araturam, ac partem ville dicte Luka emerit, et de eis- dem sic duxerit ordinandum, videlicet, quod de villa Suchouicz et aratura in Hlussouicz predictis, prebendam in Ecclesia Olomucensi creauit, et de dicta parte ville prefate Lucka in eadem Ecclesia instituit vicarium, qui vicarius omni secunda feria per totum annum dicat missam defunctorum pro animabus patris et matris nostrorum, et quinta feria missam de sancto Michaele archangelo, ac dominico die missam de Sancta "Trinitate; et in- stituit etiam de redditibus partis dicte ville Lucka, empte per eum, quod perpetuo missa de Sancta Maria quolibet die celebretur, in dicta Olomu- censi Ecclesia sollempniter decantando: nos in hiis dicti magistri Wern- heri laudabile et pium opus diligentius attendentes, eiusque propterea sup- plicationibus benignius inclinati, emptioni et ordinationi predictis nostrum fauorabiliter prestamus assensum, ipsasque ratificando presentis scripti pa- irocinio confirmamus. In cuius rei testimonium presentes litteras fieri, et sigillis maiestatis nostre iussimus communiri. Datum Prage per manus venerabilis Petri, Basiliensis Episcopi, Wissegradensis prepositi, Regnique Boemie cancellarii, principis nostri dilecti. Anno domini M. CCC. III. X. Kalendas Junii, Indictionis prime. Anno regnorum nostrorum Boemie

sexto, Polonie vero tercio.

E cod. membr. I. Fol. 33. in archivo capituli Olomuc.