63

152

CXLVIII.

Wenceslaus, rex Bočmiae et Poloniae, possessiones civitatis Znoymensis ab omni onere eximit, eique jus milliare et silvam Leskow confert. Dto. Brunae VIII. Idus Aprilis. 1303.

Nos Wencezlaus dei gracia Boemie et Polonie Rex. Notum fa- cimus vniuersis presentes litteras inspecturis. Quod nos ciues nostros Znoymenses, propter ipsorum fidei et deuocionis promptitudinem quam ad celsitudinem nostram gerunt, volentes aitollere gratiosis graciis libertatum, ipsisque commoda procurare. Ciues predictos et heredes ac successores ipsorum de vniuersis suis prediis et hereditatibus que ipsi ciuitati Znoy- mensi, ex antiquo a primeua eius fundacione ac locacione sunt annexa, per progenitorum nostrorum graciam et fauorem. ac de illis possessionibus quas de nouo emerant, et imposterum eos emere contigerit, a iurisdicione ac potestate qualibet omnium beneficiariorum absoluimus graciose et. esse uolumus imperpetuum liberos et solutos, ita quod ammodo de predictis vni- uersis suis possessionibus quas nunc habent et in futurum habebunt, ipsi ciues et eorum successores non alibi quam coram camerario nostro morauie qui pro tempore fuerit, aui iudice ciuitatis eiusdem debeant, pro causis et excessibus quibuslibet conueniri, amplius, ut dicta ciuitas se a nobis gau- deat percepisse plura profectuum incrementa, statuimus, et volumus precise inhibentes, ne quis incolarum in bonis nostris et bonis alterius cuiuscunque in spacio vnius miliaris ad omne latus eiusdem ciuitatis cereuisiam venalem braxare uel habere vlterius audeat nec presumat; ad hec pro melioracione eciam ac profectum ciuitatis predicte, siluam nostram Leskouecz prope ipsam ciuitatem sitam, eidem ciuitati damus et conferimus, ut de cetéro ad dictam ciuitatem pertineat, et predicti ciues pro pascuis habeant siluam ipsam. In cuius rei testimonium presentes litteras fieri et sigillis maiesta- iis nostre iussimus, communiri. Datum Brune per manus venerabilis Petri Basiliensis episcopi, wissegradensis prepositi, Regnique Boemie Cancellarii, principis nostri dilecti. Anno domini Millesimo. "Frecentesimo. Tercio. VII. Kalendas aprilis. Indictionis prime. anno Regnorum Boemie sexto. Polonie vero tercio.

Ex originali in archivo ejusdem civitatis.