63

142

CXXXVI.

Theodoricus, abbas Lucensis, fratribus suis in pitantiam assignat villam Oblas cum curia et vineam in Kaunice. Dto. in festo b. Joannis Bap- tistae. 1302.

Uniuersis presentes litteras inspecturis Nos theodoricus, Dei pa- tentia Lucensis abbas, Salutem et noticiam veritatis. 'l'enore presencium vobis duximus intimandum, quod Nos Bonis benefacere cupientes fratribus conuentus ecclesie nostre Lucensis, qui die nocteque diuinis officiis inuigi- lant, villam nostram dictam Obloz cum curia ei omnibus iuribus suis sine diminucione, nec non uineam nostram in Kaunis pro .... suo perpetuo as- signamus ac assignauimus per presentes; promittentes bona fide, quod contra huiusmodi assignacionem et prouisionem non ueniemus in futurum. Et ne super hoc dicti fratres valeant in posterum molestari, dictam as- signacionem seu prouisionem supplicamus et petimus a Reuerendis patribus et dominis karissimis, dominis Ma. Wadegociensi et Ni. Rengisualli Dei patientia abbatibus, visitatoribus concanoniarum Bohemie et Pollonie Aucto- ritate Domini. Premonstratensis et Capituli generalis in plenitudine po- testatis ratificari ac etiam confirmari. Et Nos Ma. Wadegociensis, et Ni. Rengisuallis dei patientia Abbates, visitatores concanoniarum Bohemie et Pollonie auctoritate Domini. premonstratensis et Capituli generalis de ple- nitudine potestatis dictam assignacionem et prouisionem ratificamus, et auctoritate, qua fungimur, confirmamus. In cuius rei testimonium sigilla nostra vna cum sigillo dicti Abbatis Lucensis presentibus duximus ap- pendenda. Datum Anno domini M. CCC. Secundo. In festo beati Jo- hannis Baptiste.

(Sigillum tertium avulsum.) Ex originali in archivo monasterii Lucensis H. 11.