1130

— 219 —

wiez presbytero vacantem ex eo, quod dom. Johannes vltimus et immed. ipsius ecclesie rector aliud beneficium est assecu- tus, ad presentacionem nobilis dom. Henrici de Grewstein et Vberti filij ipsius. Pro executore plebanus in Rynoldyhan.

Miza. Anno quo supra 17. Maij data est crida Petro pro- fesso hospitalis in pede pontis Prag. cruciferorum cum stella ordinis S. Augustini ad ecclesiam in Miza vacantem ex eo, quod dominus Paulus commendam in Egra pacifice est asse- cutus, ad presentacionem Mhonorb. dom. Sdenceonis supremi magistri dicte ecclesie patroni. Executor plebanus in Dubrawa.

M. IX. Choezebuss. Johannes Dei gracia S. Prag. ec- clesie Archiepiscopus, apostolice sedis legatus. "Tenore pre- sencium notum facimus vniuersis, quod veniens ad nostram, presenciam religiosus vir frater Wenceslaus professus mona- sterij Brewnouiensis prope Pragam ordinis S. Benedicti, ple- banus ecelesie in Chezebuss proposuit, qualiter Venerab. et religiosus vir dominus Diuissius Abbas monasterij Brewnoui- ensis antedicti et collator ecclesie predicte, non obseruata con- suetudine antiqua, et priuilegiata, in eodem monasterio circa institucionem plebanorum per Abbates seruari et teneri con- sueta, clandestine eidem fratri Wenceslao predictam ecclesiam in Chezebuss contulit et possessionem realem et corporalem eiusdem ecclesie eidem tradidit. Verumque ipse frater Wence- slaus timens, ne aliquis veniens, ipsum eadem ecclesia vellet amouere aut ipsum eadem priuare ex eo, quod circa insti- tucionem ipsius consuetudo priuilegiata et hactenus obseruata non tenta et obseruata, supplicauit nobis humiliter, quatenus defectum, qui circa ipsius institucionem est factus, supplere eidemque de eadem ecclesia de nouo prouidere, et ipsum de eadem inuestire auctoritate ordinaria dignaremur. Nos ipsius peticionibus iustis et racionabilibus annuentes, defectum, qui factus est circa institucionem predicti fratris Wenceslai sup- plentes, eidem de ecclesia predicta in Chezebus de nouo. pro- uidemus, ipsumque de eadem cum omnibus juribus et perti- nencijs suis inuestiuimus et presentibus auctoritate ordinaria inuestimus, curam animarum ef regimen ac administracionem spiritualium et temporalium eiusdem ecclesie eidem commit- timus. In cuius rei etc. Datum in Rudniez Anno Domini 1395 die 26. Aprilis.

Wapno. Anno quo supra 21. data est crida Petro rectori hospitalis in Vsk super Lusnicz ad ecclesiam paroch. in Wapno per mortem domini Fridrici vacantem, ad presentacionem nobilis dom. Henrici de Rosemberg dicte patroni. Executor plebanus in Collessow.