146 Archivum coronae regni Bohemiae II Nr. 124.
Boemie reges, vel alter eorum, qui pro tempore fuerit, dicti marchionis heredum
et proheredum suorum filias, si quas post se dimiserint, ad statum ordinare decen-
tem et earum cuilibet, dum matrimonio copulate fuerint, a die consummate copule
infra unum annum decurrentem continuo de decem milibus marcharum argenti
grossorum pragensium pagamenti regalis de pecuniis berne, que ob eandem causam
in marchionatu predieto instaurari debebit, ut iuris est et observate consuetudinis,
tenebimur providere,
adicientes de singulari munere gracie specialis ob illum grate sinceritatis affec-
tum, quo predictum fratrem nostrum complectimur favorose, ut, quotiens nos, heredes
aut successores nostros, reges Boemie, non relictis masculini sexus heredibus ab hac
Juce migrare contingeret, regnum Boemie prefatum nec non omnes principatus et
dominia, qui ad dictum regnum Boemie pertinent^, nominatim^ comitatus Lucembur-
gensis, cum omnibus suis pertinentiis ad supradictum fratrem nostrum aut, eo non
extante, heredes sive proheredes suos legitimos sexus masculini, Moravie marchiones,
absque electione sive assumptione alia et absque difficultate qualibet devolva-
tur, et quod is, cuius tune iure prefato et virtute declarationis predicte inte-
resse videbitur, in Boemie regem assumi et coronari debeat, impedimento quolibet
non obstante, qui denique nostris, heredum, proheredum sive successorum nostro-
rum, regum Boemie, filiabus, si quas dimiserimus, de congruenti statu secundum
regni Boemie consuetudinem approbatam tenebitur et debebit decenter et magnifice
providere, Neque nos heredes vel suseessores nostri Boemie reges, dictum
regnum Boemie vel supradictus princeps et frater noster vel heredes sui, marchiones
Moravie, marchionatum eundem in toto vel in parte, occasione filiarum nostrarum
utrobique aut alia causa quacunque donare, vendere, obligare aut alienare debebi-
mus aliquo dimembrationis aut sequestrationis modo, quo prefati regni Boemie
corona et principatus ac dominia, qui ad idem regnum Boemie pertinent, specialiter
comitatus Lucemburgensis, cum suis pertinentiis, ut prefertur, a dictis Moravie
marchionibus vel prefati marchionatus devolutio a nobis, heredibus et successori-
bus nostris, Boemie regibus, posset in casibus prenotatis quomodolibet removeri.
Ceterum predictus princeps et frater noster dilectus, huius nostre gracie largi-
cione contentus, marchionatum Moravie supradictum cum digna graciarum actione
suscepit neque ipse, heredes et proheredes sui, marchiones Moravie, a nostra cel-
situdine, heredibus aut successoribus nostris, Boemie regibus, aliud quitquam"
per divisionem, successionem ab intestato vel alio quovis titulo, iure vel facto
poterunt seu debebunt repetere aut exigere, nisi quod ipsis de singulari favore et
nostre mentis beneplacito liberaliter duxerimus erogandum. Renunciavit eciam
dictus frater noster pro se et dictis heredibus et proheredibus suis, marchionibus
à) nominatim pertinent A. b) quam K., correximus ex litteris Johannis marchionis in-
ferius propositis.
20
25
30
35
